AAIMIM Chief | అంటరానితనం ప్రోత్సహిస్తోన్న యూపీ సర్కార్‌ : అసదుద్దీన్‌ ఓవైసీ

AIMIM Chief : ఉత్తర్‌ ప్రదేశ్‌ ప్రభుత్వం అంటరానితనాన్ని ప్రోత్సహిస్తోందని ఏఐఎంఐఎం చీఫ్‌ అసదుద్దీన్ ఓవైసీ ఆరోపించారు.

AIMIM Chief : ఉత్తర్‌ ప్రదేశ్‌ ప్రభుత్వం అంటరానితనాన్ని ప్రోత్సహిస్తోందని ఏఐఎంఐఎం చీఫ్‌ అసదుద్దీన్ ఓవైసీ ఆరోపించారు. యూపీ పోలీసులు ముజ్‌ఫర్‌పూర్‌లో కన్వర్‌ యాత్ర మార్గంలో దారిపొడవునా వీధివెంబడి దుకాణాలు, హాటల్స్‌ యజమానుల పేర్లను ప్రదర్శించాలని కోరుతున్నారని అన్నారు. ఒక వర్గం లక్ష్యంగా యోగి ఆదిత్యానాథ్‌ నేతృత్వంలోని యూపీ సర్కార్‌ వ్యవహరించడం సరైంది కాదని ఓవైసీ హితవు పలికారు.

ఇది రాజ్యాంగంలో అంటరానితనాన్ని ప్రస్తావించే ఆర్టికల్‌ 17 ఉల్లంఘన కిందకు వస్తుందని, దీన్ని తాము ఖండిస్తున్నామని చెప్పారు. యూపీ ప్రభుత్వం తన చేష్టల ద్వారా అంటరానితనాన్ని ప్రోత్సహించడం అమానుషమని ఆందోళన వ్యక్తం చేశారు. యూపీ సర్కార్‌ రాజ్యాంగ ఉల్లంఘనలకు పాల్పడుతున్నదని ఆరోపించారు.

యూపీ ప్రభుత్వం ఈ ఉత్తర్వులు జారీ చేసినప్పటి నుంచి ముజఫర్‌నగర్‌లోని దుకాణాలన్నింటిలో ముస్లిం ఉద్యోగులను తొలగించారని అన్నారు. మీరు ఒకే ఒక వర్గం కోసం పనిచేస్తారా..రాజ్యాంగానికి ఇక చోటెక్కడిదని ప్రశ్నించారు. యూపీ సీఎం యోగి ఆదిత్యానాథ్‌కు దమ్ముంటే లిఖితపూర్వక ఆదేశాలు జారీచేయాలని ఓవైసీ సవాల్‌ విసిరారు.

Read More :

DSC Exam| ప్రారంభమైన డీఎస్సీ.. రెండు సెషన్లలో పరీక్షలు