Visit:
న్యూఢిల్లీ : కన్స్ట్రక్షన్ వ‌ర్క‌ర్ క్రియేటివిటీని మెచ్చుకుంటూ దానికి సంబంధించిన వీడియోను ప్ర‌ముఖ పారిశ్రామిక‌వేత్త ఆనంద్ మ‌హింద్రా సోష‌ల్ మీడియాలో షేర్ చేశారు. చిన్న‌పాటి మార్పుల‌తో రోజువారీ ప‌నుల కోసం పాత స్కూట‌ర్‌ను కన్స్ట్రక్షన్ వ‌ర్క‌ర్ ఎలా మార్చాడో ఈ వీడియోలో క‌నిపిస్తోంది.
👏🏽👏🏽👏🏽 I guess that’s why we call them ‘power’trains. Many ways to utilise the power of vehicle engines. This would be even better ( and quieter!) with an e-scooter, once their cost is brought down or they are available second-hand. pic.twitter.com/Xo6WuIKEMV
— anand mahindra (@anandmahindra) December 6, 2022
ఈ వీడియోలో ఎల‌క్ట్రిక్ పుల్లీగా మార్చిన స్కూట‌ర్‌పై కన్స్ట్రక్షన్ వ‌ర్క‌ర్ కూర్చుని ఆప‌రేట్ చేస్తుండ‌టం ఆక‌ట్టుకుంటుంది. స్కూట‌ర్‌ను క‌ద‌ల‌కుండా చేసిన వ‌ర్క‌ర్ ఆపై యాక్సిలేట‌ర్ రొటేట్ చేస్తుంటే భారీ సిమెంట్ బ్యాగ్ మూడో అంత‌స్తుపైకి వెళుతుండ‌టం చూడ‌వ‌చ్చు.
అందుకే వీటిని ప‌వ‌ర్‌ట్రైన్స్ అంటామ‌ని, వాహ‌న ఇంజ‌న్ల‌ను ఎన్నో రూపాల్లో మ‌నం వాడవచ్చని, ఈ-స్కూట‌ర్‌ల ధ‌ర‌లు త‌గ్గ‌డం, సెకండ్ హ్యాండ్‌లోనూ అవి త‌క్కువ ధ‌ర‌కే ల‌భించే అవ‌కాశం ఉండ‌టంతో వీటిని మ‌రింత మెరుగ్గా వాడవచ్చని వీడియోను ట్విట్ట‌ర్‌లో షేర్ చేస్తూ ఆనంద్ మ‌హింద్ర పేర్కొన్నారు. కన్స్ట్రక్షన్ వ‌ర్క‌ర్ ఇన్నోవేటివ్ ఐడియాను మెచ్చుకుంటూ ప‌లువురు నెటిజ‌న్లు ప్ర‌శంస‌లు గుప్పించారు.
