Visit:
Mahesh Babu |సూపర్ స్టార్ మహేష్ బాబు సినిమాలతో ఎంత బిజీగా ఉన్నా, కుటుంబానికి సమయం కేటాయించడంలో ఎప్పుడూ ముందుంటారన్న విషయం మరోసారి రుజువైంది. ఈ మంగళవారం మహేష్ తన కుటుంబ సభ్యులతో కలిసి సరదాగా గడిపారు. దీనికి సంబంధించిన ఫోటోలు ప్రస్తుతం సోషల్ మీడియాలో తెగ వైరల్ అవుతున్నాయి. షూటింగ్ హడావిడి లేకుండా పూర్తిగా రిలాక్స్డ్ మూడ్లో కనిపిస్తున్న మహేష్ లుక్ అభిమానులను ఆకట్టుకుంటోంది. వైరల్ అవుతున్న ఫోటోల్లో మహేష్ బాబు చాలా సింపుల్ అయినప్పటికీ స్టైలిష్గా కనిపించారు. వైట్ షర్ట్, జీన్స్, తలపై క్యాప్తో క్యాజువల్ లుక్లో ఉన్న మహేష్ ముఖంలో చిరునవ్వు స్పష్టంగా కనిపిస్తోంది.
కుటుంబంతో కలిసి గడిపే ఈ క్షణాలు ఆయనకు ఎంత రిలీఫ్ ఇస్తాయో ఆ ఫోటోలు చూస్తేనే అర్థమవుతోంది. ఎలాంటి ఆర్భాటాలు లేకుండా, పూర్తిగా సాదాసీదాగా ఈ ఫ్యామిలీ గ్యాదరింగ్ జరిగింది. ఈ ఫ్యామిలీ రీయూనియన్లో మహేష్ సతీమణి నమ్రతా శిరోద్కర్, సోదరీమణులు మంజుల ఘట్టమనేని, పద్మావతి ఘట్టమనేని సందడి చేశారు. అలాగే మంజుల భర్త సంజయ్ స్వరూప్, మేనల్లుళ్లు అశోక్ గల్లా, భారతి ఘట్టమనేని కూడా ఈ గ్యాదరింగ్లో పాల్గొన్నారు. అందరూ కలిసి దిగిన ఫోటోలు అభిమానులకు కన్నుల పండుగలా మారాయి.
అయితే ఈ ఫుల్ హౌస్ సెలబ్రేషన్లో ఇద్దరు ముఖ్యమైన వ్యక్తులు మాత్రం కనిపించలేదు. వారే మహేష్ బాబు పిల్లలు గౌతమ్, సితార. గౌతమ్ ప్రస్తుతం ఉన్నత చదువుల కోసం అమెరికాలో ఉండటంతో ఈ గ్యాదరింగ్కు రాలేకపోయాడని సమాచారం. అలాగే సితార కూడా తన వ్యక్తిగత పనుల్లో బిజీగా ఉండటంతో ఈ ఫ్యామిలీ మీట్కు దూరంగా ఉన్నట్లు తెలుస్తోంది. వీరిద్దరూ ఉంటే ఈ వేడుక మరింత ప్రత్యేకంగా ఉండేదని అభిమానులు కామెంట్లు చేస్తున్నారు.ఇక కెరీర్ విషయానికి వస్తే, మహేష్ బాబు ఎక్కడా తగ్గేదేలే అన్నట్లు దూసుకెళ్తున్నారు. ప్రస్తుతం దర్శకధీరుడు ఎస్.ఎస్. రాజమౌళి కాంబినేషన్లో తెరకెక్కుతున్న ప్రతిష్టాత్మక చిత్రం ‘వారణాసి’ షూటింగ్లో మహేష్ బిజీగా ఉన్నారు.
