Air Hostess | రహస్య భాగాల్లో దాచి బంగారం స్మగ్లింగ్‌.. ఎయిర్‌హోస్టెస్‌ అరెస్ట్‌

Air Hostess | బంగారం స్మగ్లింగ్‌ (Gold Smuggling) చేస్తూ ఓ ఎయిర్‌హోస్టెస్‌ (Air Hostess) అధికారుల ముందు అడ్డంగా దొరికిపోయింది.

Air Hostess | బంగారం స్మగ్లింగ్‌ (Gold Smuggling) చేస్తూ ఓ ఎయిర్‌హోస్టెస్‌ (Air Hostess) అధికారుల ముందు అడ్డంగా దొరికిపోయింది. సుమారు కేజీ బంగారాన్ని రహస్య భాగాల్లో దాచుకుని తరలిస్తుండగా డైరెక్టరేట్‌ ఆఫ్‌ రెవెన్యూ ఇంటెలిజెన్స్‌ (Directorate of Revenue Intelligence) అధికారులు గుర్తించి అరెస్ట్‌ చేశారు.

డీఆర్‌ఐ అధికారులు తెలిపిన వివరాల ప్రకారం.. నిందితురాలు ఎయిర్‌ ఇండియా ఎక్స్‌ప్రెస్‌కు చెందని ఎయిర్‌హోస్టెస్‌ సురభి ఖాతున్‌ (Surabhi Khatun)గా గుర్తించారు. ఈ నెల 28న మస్కట్‌ నుంచి కేరళ (Kerala) కన్నూర్‌కు వచ్చిన విమానంలో ఆమె క్రూ సిబ్బందిగా ఉన్నారు. విమానం కన్నూర్‌ (Kannur Airport) చేరుకోగానే.. అధికారుల తనిఖీల్లో ఎయిర్‌హోస్టెస్‌ బండారం బయటపడింది.

ఆమె పురీషనాళంలో సుమారు 960 గ్రాముల బంగారాన్ని దాచిపెట్టి అక్రమంగా తరలిస్తున్నట్లు అధికారులు గుర్తించారు. ఈ మేరకు ఆ బంగారాన్ని స్వాధీనం చేసుకున్నట్లు డీఆర్‌ఐ అధికారులు తెలిపారు. అనంతరం సురభి ఖతున్‌ను మెజిస్ట్రేట్‌ ముందు హాజరుపరచగా.. 14 రోజుల రిమాండ్‌ విధించినట్లు వెల్లడించారు. కాగా, సురభి ఖాతున్ బంగారాన్ని ఇలా అక్రమంగా తరలించడం ఇదేమీ తొలిసారి కాదు. గతంలోనూ చాలాసార్లు బంగారాన్ని స్మగ్లింగ్ చేసినట్లు ప్రాథమిక విచారణలో తేలింది.

Also Read..

Virat Kohli | అమెరికా ఫ్లైట్‌ ఎక్కిన విరాట్‌ కోహ్లీ.. రేపటి నుంచే టీ20 ప్రపంకప్‌ షురూ

Amit Shah | తిరుమల శ్రీవారిని దర్శించుకున్న అమిత్‌ షా దంపతులు

PM Modi | సాధువు అవతారమెత్తి.. ప్రశాంత వాతావరణంలో మోదీ ధ్యానం.. వీడియోలు