కేంద్రంలో ప్ర‌భుత్వ ఏర్పాటుపై కాంగ్రెస్ ప‌గ‌టి క‌ల‌లు : అగ్నిమిత్రా పాల్‌

వంద లోక్‌స‌భ స్ధానాలు కూడా దాట‌ని కాంగ్రెస్ పార్టీ ప్ర‌భుత్వ ఏర్పాటుపై క‌ల‌లు కంటోంద‌ని ప‌శ్చిమ బెంగాల్ బీజేపీ నేత అగ్నిమిత్రా పాల్ అన్నారు.

వంద లోక్‌స‌భ స్ధానాలు కూడా దాట‌ని కాంగ్రెస్ పార్టీ ప్ర‌భుత్వ ఏర్పాటుపై క‌ల‌లు కంటోంద‌ని ప‌శ్చిమ బెంగాల్ బీజేపీ నేత అగ్నిమిత్రా పాల్ అన్నారు. రాహుల్ గాంధీ ఇండియా కూట‌మి నేతల‌తో వేర్వేరుగా సంప్ర‌దింపులు జ‌రుపుతున్నార‌నే వార్త‌ల‌పై ఆమె స్పందించారు.

కాంగ్రెస్ పార్టీ కేంద్రంలో అధికారంలోకి రావ‌డం క‌ల‌గానే మిగిలిపోతుంద‌ని ఎద్దేవా చేశారు. కేంద్రంలో న‌రేంద్ర మోదీ నేతృత్వంలో మ‌ళ్లీ ఎన్డీయే ప్ర‌భుత్వం కొలువుతీరుతుంద‌ని అన్నారు. ప‌శ్చిమ బెంగాల్‌లో త‌మ‌కు ఆశించిన స్దానాలు రాలేద‌ని, పార్టీకి వాటిల్లిన న‌ష్టానికి కార‌ణాల‌పై తాము మేథోమ‌థ‌నం జ‌రుపుతామ‌ని చెప్పారు.

కేంద్ర ప్ర‌భుత్వ ప‌ధ‌కాల ప్ర‌యోజ‌నాల‌కు సంబంధించి తాము గ్రామ స్ధాయిలో ప్ర‌జ‌ల‌కు చేర‌వేయ‌డంలో తాము విజ‌య‌వంతం కాలేద‌ని తెలిపారు. బెంగాల్‌లో బీజేపీ ప్ర‌భుత్వం ఏర్ప‌డాలంటే పార్టీలో లోటుపాట్ల‌ను చ‌క్క‌దిద్ద‌డంపై దృష్టి సారించాల్సి ఉంటుంద‌ని ఆమె పేర్కొన్నారు.

Read More :

Medical Students: ర‌ష్యా న‌దిలో మునిగి న‌లుగురు భార‌త వైద్య విద్యార్థులు మృతి