Watch: తల్లిదండ్రుల మరణం గురించి తెలియడంతో.. బిల్డింగ్‌ పైనుంచి దూకిన వ్యక్తి

Nigerian Man | నైజీరియా (Nigerian Man) దేశానికి చెందిన డినోజువో, ఢిల్లీలోని నిహాల్ విహార్ ప్రాంతంలోని ఒక భవనంలో నివసిస్తున్నాడు. అతడి తల్లిదండ్రులు మరణించిన సంగతి తెలుసుకున్నాడు. ఈ నేపథ్యంలో ఈ నెల 18న అతడు వింతగా ప్రవర్తించాడు. బిల్డింగ్‌ రెండో అంతస్తు బాల్కానీ రెయిలింగ్‌ను పట్టుకుని ప్రమాదకరంగా వేలాడాడు.

న్యూఢిల్లీ: తల్లిదండ్రుల మరణం గురించి తెలియడంతో ఆ బాధతో ఒక వ్యక్తి బిల్డింగ్‌ పైనుంచి కిందకు దూకాడు. విషయం తెలుసుకున్న పోలీసులు గాయడిన అతడ్ని ఆసుపత్రికి తరలించి చికిత్స అందిస్తున్నారు. దేశ రాజధాని ఢిల్లీలో ఈ సంఘటన జరిగింది. నైజీరియా (Nigerian Man) దేశానికి చెందిన 37 ఏళ్ల డినోజువో, ఢిల్లీలోని నిహాల్ విహార్ ప్రాంతంలోని ఒక భవనంలో నివసిస్తున్నాడు. నైజీరియాలో ఉన్న అతడి తల్లిదండ్రులు మరణించిన సంగతి తెలుసుకున్నాడు. ఈ నేపథ్యంలో ఈ నెల 18న అతడు వింతగా ప్రవర్తించాడు. బిల్డింగ్‌ రెండో అంతస్తు బాల్కానీ రెయిలింగ్‌ను పట్టుకుని ప్రమాదకరంగా వేలాడాడు. గట్టిగా మాట్లాడుతూ, అరుస్తూ పిచ్చిపట్టిన వ్యక్తి మాదిరిగా ప్రవర్తించాడు. ఆ తర్వాత ఉన్నట్టుండి ఆ భవనం రెండో అంతస్తుపై నుంచి కిందకు దూకాడు.

కాగా, గమనించిన ఒక వ్యక్తి పరుగున ఆ నైజీరియా వ్యక్తి వద్దకు వెళ్లాడు. సహాయం చేసేందుకు ప్రయత్నించగా ఆ వ్యక్తిని గట్టిగా పట్టుకున్నాడు. దీంతో అతడ్ని విడిపించేందుకు స్థానికులు కర్రలతో నైజీరియా వ్యక్తిపై దాడి చేశారు. ఈ సమాచారం అందుకున్న పోలీసులు ఆ ప్రాంతానికి వచ్చారు. బిల్డింగ్‌పై నుంచి దూకడంతో కాలు విరిగి గాయపడిన డినోజువోను ప్రభుత్వ ఆసుపత్రికి తరలించి చికిత్స అందిస్తున్నారు. నైజీరియాలోని తన తల్లిదండ్రులు చనిపోయిన విషాద వార్త తెలుసుకున్న తాను షాక్‌కు గురయ్యానని పోలీసులకు తెలిపాడు. ఆ డిప్రెషన్‌లో ఉన్న తాను అలా ప్రవర్తించినట్లు చెప్పాడు.

మరోవైపు నైజీరియా వ్యక్తి బిల్డింగ్‌ పైనుంచి దూకుతుండటాన్ని కొందరు స్థానికులు తమ మొబైల్‌ ఫోన్లలో రికార్డు చేశారు. ఈ వీడియో క్లిప్‌లు సోషల్‌ మీడియాలో వైరల్‌ అయ్యాయి.

https://twitter.com/mukeshmukeshs/status/1639819971315523585?ref_src=twsrc%5Etfw%7Ctwcamp%5Etweetembed%7Ctwterm%5E1639819971315523585%7Ctwgr%5Ec9c88f7e3736a077e2af6a33508084d538567ea1%7Ctwcon%5Es1_c10&ref_url=https%3A%2F%2Fwww.freepressjournal.in%2Findia%2Fdelhi-nigerian-man-jumps-from-building-in-nihal-vihar-after-hearing-about-parents-death