Visit:
చెన్నై, జూన్ 14: అసెంబ్లీ ఎన్నికల్లో అపజయం తర్వాత అన్నాడీఎంకే పార్టీకి వరుస షాక్లు తగులుతున్నాయి. పలువురు నాయకులు వరుసబెట్టి పార్టీని వీడుతున్నారు. తాజాగా ప్రముఖ నటి గౌతమి ఆ పార్టీని వీడారు. బరువైన హృదయంతో పార్టీ నుంచి బయటకు వస్తున్నట్టు ఆదివారం ప్రకటించారు.
పార్టీ డిప్యూటీ ప్రచార కార్యదర్శి హోదాలో ఉన్న ఆమె, పార్టీ పదవికి, పార్టీ ప్రాథమిక సభ్యత్వానికి రాజీనామా చేస్తున్నట్టు ‘ఎక్స్’ వేదికగా వెల్లడించారు. ఈ మేరకు పార్టీ జనరల్ సెక్రటరీ పళనిస్వామికి రాజీనామా లేఖను పంపారు. ప్రస్తుత రాజకీయ పరిస్థితులను దృష్టిలో ఉంచుకొని, తన సామాజిక సేవను కొనసాగించేందుకు గాను..పార్టీ నుంచి బయటకు వస్తున్నట్టు లేఖలో పేర్కొన్నారు.
