అదనపు సంపద ఎలా వచ్చిందో నిందితులే చెప్పాలి

ఒక ప్రభుత్వ ఉద్యోగికి ఆదాయానికి మించిన ఆస్తులు ఉన్నాయని ప్రాసిక్యూషన్‌ నిరూపించినట్లయితే ఆ అదనపు సంపదను ఎలా ఆర్జించారో వివరించాల్సిన బాధ్యత నిందితుడిపైనే ఉంటుందని సుప్రీంకోర్టు తీర్పు ఇచ్చింది.

న్యూఢిల్లీ, అక్టోబర్‌ 29: ఒక ప్రభుత్వ ఉద్యోగికి ఆదాయానికి మించిన ఆస్తులు ఉన్నాయని ప్రాసిక్యూషన్‌ నిరూపించినట్లయితే ఆ అదనపు సంపదను ఎలా ఆర్జించారో వివరించాల్సిన బాధ్యత నిందితుడిపైనే ఉంటుందని సుప్రీంకోర్టు తీర్పు ఇచ్చింది. అతని ఆస్తుల గురించి దర్యాప్తు సంస్థలు అంతులేని అన్వేషణ సాగించాల్సిన అవసరం లేదని స్పష్టం చేసింది.

ఆధారాలతో నిరూపించే బాధ్యత నిందితుడిపైనే ఉంటుందని జస్టిస్‌ సంజయ్‌ కుమార్‌, జస్టిస్‌ సంజీవ్‌ సచ్‌దేవాలతో కూడిన ధర్మాసనం బుధవారం పేర్కొంది. ఆదాయానికి మించి ఆస్తుల కేసులో దోషిగా తేలిన కేరళ మాజీ ప్రభుత్వ అధికారి వీ గోపాలకృష్ణన్‌ అప్పీల్‌ను కొట్టేస్తూ ఈ తీర్పు వెలువడింది.