Diabetes | మీరు నిద్ర సరిగా పోవడం లేదా.. అయితే డయాబెటిస్‌ ముప్పు పొంచిఉన్నట్టే!

వారం రోజులు సరిగా నిద్ర లేకపోతే టైప్‌-2 డయాబెటిస్‌ ముప్పు పెరుగుతుందని తాజా అధ్యయనం హెచ్చరించింది.

Diabetes | న్యూఢిల్లీ : వారం రోజులు సరిగా నిద్ర లేకపోతే టైప్‌-2 డయాబెటిస్‌ ముప్పు పెరుగుతుందని తాజా అధ్యయనం హెచ్చరించింది. నిద్ర సమయం గంట తగ్గినా.. వృద్ధులు, మధ్య వయస్కులు డయాబెటిస్‌ బారినపడే ముప్పు 34 శాతం పెరుగుతుందని తెలిపింది. జీవనశైలిని మార్చుకోవటం ద్వారా డయాబెటిస్‌ రాకుండా చూసుకోవచ్చునని పేర్కొన్నది.

84 వేల మందికి సంబంధించి బయో బ్యాంక్‌ డాటా బేస్‌ ఆధారంగా, పరిశోధకులు కీలక విషయాలు కనుగొన్నారు. ‘డయాబెటిస్‌ కేర్‌’ జర్నల్‌ వార్తా కథనం ప్రకారం, ఎక్కువ సేపు నిద్రపోతున్న వారిలో జన్యుపరంగా డయాబెటిస్‌ ముప్పు తక్కువగా ఉందని సైంటిస్టులు గుర్తించారు.