Suicide | తల్లిదండ్రులు చదువుకోమన్నందుకు.. ఉరేసుకుని ఆత్మహత్య చేసుకున్న 9 ఏండ్ల బాలిక

Suicide | తల్లిదండ్రులు (Parents) చదువుకోమని చెప్పడంతో మనస్తాపం చెందిన ఓ తొమ్మిదేండ్ల బాలిక బలవన్మరణానికి పాల్పడింది. ఇంట్లో ఉరివేసుకుని (hanging) ఆత్మహత్య (died by suicide) చేసుకుంది.

Suicide | తల్లిదండ్రులు (Parents) చదువుకోమని చెప్పడంతో మనస్తాపం చెందిన ఓ తొమ్మిదేండ్ల బాలిక బలవన్మరణానికి పాల్పడింది. ఇంట్లో ఉరివేసుకుని (hanging) ఆత్మహత్య (died by suicide) చేసుకుంది. ఈ ఘటన తమిళనాడు (Tamil Nadu) రాష్ట్రం తిరువళ్లూర్‌ (Thiruvallur ) జిల్లాలో చోటు చేసుకుంది. పోలీసులు తెలిపిన వివరాల ప్రకారం..

స్థానికంగా నివాసం ఉండే కృష్ణమూర్తికి తొమ్మిదేండ్ల కుమార్తె ఉంది. తను ఇన్‌స్టాగ్రామ్‌ (Instagram)లో నిత్యం యాక్టివ్‌గా ఉంటూ.. రకరకాల రీల్స్‌తో సందడి చేస్తుంటుంది. దీంతో చుట్టుపక్కల వారంతా బాలికను ‘ఇన్‌స్టా క్వీన్‌’ (Insta Queen) గా పిలుస్తుంటారు. కాగా, సోమవారం రాత్రి బాలిక తన బంధువుల ఇంటి దగ్గర స్నేహితులతో కలిసి ఆడుకుంటోంది. అదే సమయంలో అక్కడికి వచ్చిన తల్లిదండ్రులు.. బాలికను ఇంటికెళ్లి చదువుకోమని చెప్పి ఇంటి తాళాలు ఇచ్చి అక్కడి నుంచి పంపించారు. అనంతరం ఏదో పనిమీద వారు బయటకు వెళ్లారు.

దీంతో మనస్తాపం చెందిన బాలిక.. ఇంటికెళ్లి కిటికీ చువ్వకు తువ్వాలతో ఉరి వేసుకుని బలవన్మరణానికి పాల్పడింది. దాదాపు గంట తర్వాత ఇంటికి తిరిగొచ్చిన తల్లిదండ్రులు.. తలుపు తీయాలని కుమార్తెను కోరారు. ఎంతకీ తలుపు తీయకపోవడంతో డోర్‌ బద్దలు కొట్టి లోపలికెళ్లి చూడగా.. అచేతన స్థితిలో ఉన్న కుమార్తె కనిపించింది. బాలికను వెంటనే ఆసుపత్రికి తీసుకెళ్లారు. అయినా ఫలితం లేకుండా పోయింది. చిన్నారి అప్పటికే మృతి చెందినట్లు వైద్యులు నిర్ధారించారు. ఈ ఘటనతో స్థానికంగా విషాదం నెలకొంది.

Also Read..

Anand Mahindra | ఫ్రిజ్‌ లేకుండానే ఐస్‌క్రీమ్‌ తయారు చేయొచ్చు.. వీడియో షేర్‌ చేసిన ఆనంద్‌ మహీంద్రా

Rahul Gandhi | ప్రజాస్వామ్య ప్రాథమిక సూత్రాలు వర్తిస్తాయి.. రాహుల్‌ అంశంపై జర్మనీ

Martin Cooper | మొబైల్‌ ఎలా వాడాలో ఇప్పటికీ నాకు తెలీదు.. సెల్‌ఫోన్‌ రూపకర్త మార్టిన్‌