Visit:
జమ్మూ, నవంబర్‌ 29: ఆపరేషన్‌ సిందూర్‌ తర్వాత పాకిస్థాన్‌లోని మారుమూల ప్రాంతాలకు ఆరు డజన్లకుపైగా ఉగ్రవాద స్థావరాలను పాక్‌ ప్రభుత్వం తరలించిందని బీఎస్‌ఎఫ్‌ అధికారులు శనివారం ప్రకటించారు. ఆపరేషన్‌ సిందూర్‌-2 చేపట్టాలని కేంద్ర ప్రభుత్వం నిర్ణయిస్తే శత్రువులకు భారీ నష్టం చేకూర్చడానికి తాము సిద్ధమని వారు చెప్పారు. దాదాపు 12 ఉగ్ర స్థావరాలు సియాల్‌కోట్‌, జఫర్‌లాల్‌కు చెందిన మూరుమూల ప్రాంతాల నుంచి పని చేస్తున్నాయని బీఎస్‌ఎఫ్‌ డీఐజీ విక్రమ్‌ కున్వర్‌ విలేకరులకు తెలిపారు. అదే విధంగా సరిహద్దులకు దూరంగా మారుమూల ప్రాంతాలలో మరో 60 ఉగ్ర స్థావరాలు పనిచేస్తున్నట్లు ఆయన చెప్పారు.
