మధ్యప్రదేశ్‌లో కూలిన సొరంగం.. చిక్కుకుపోయిన కూలీలు

Madhya pradesh | మధ్యప్రదేశ్‌లోని కట్ని జిల్లాలో నిర్మాణంలో ఉన్న ఓ సొరంగం (Tunnel) కూలిపోయింది. దీంతో పలువురు కార్మికులు అందులో చిక్కుకుపోయారు.

భోపాల్‌: మధ్యప్రదేశ్‌లోని కట్ని జిల్లాలో నిర్మాణంలో ఉన్న ఓ సొరంగం (Tunnel) కూలిపోయింది. దీంతో పలువురు కార్మికులు అందులో చిక్కుకుపోయారు. కట్నీ జిల్లా స్లిమ్నాబాద్‌లో నర్మదా వ్యాలీ ప్రాజెక్టులో భాగంగా బార్గీ డ్యామ్‌ నుంచి బన్సాగర్‌ వరకు సొరంగం నిర్మిస్తున్నారు. ఈ క్రమంలో శనివారం రాత్రి సొరంగం కూలిపోయింది.

సొరంగంలో తొమ్మిది మంది కార్మికులు చిక్కుకుపోయినట్లు అధికారులు వెల్లడించారు. వారిలో ఐదుగురిని రక్షించినట్లు పేర్కొన్నారు. మరో నలుగురిని సురక్షితంగా బయటకు తీసుకొచ్చేందుకు ఎస్‌డీఈఆర్ఎఫ్‌ బృందాలు చర్యలు ముమ్మరం చేశాయని కట్ని కలెక్టర్​ ప్రియాంక్ తెలిపారు. రెస్కూ ఆపరేషన్​ ఇంకా కొనసాగుతుందని తెలిపారు.

#WATCH | Of the 9 labourers trapped, 5 have been rescued after an under-construction tunnel of the Bargi underground canal caved in at Sleemanabad in Katni district of Madhya Pradesh; 4 yet to be rescued. SDERF team at the spot: Administration pic.twitter.com/O0vLdYZj8B

— ANI (@ANI) February 12, 2022

కాగా, ఈ ఘటనపై మధ్యప్రదేశ్‌ ముఖ్యమంత్రి శివరాజ్‌సింగ్‌ చౌహాన్‌ ఆందోళన వ్యక్తంచేశారు. రెస్క్యూ ఆపరేషన్‌లో పాల్గొంటున్న ఎస్డీఆర్‌ఎఫ్‌ సిబ్బందిని, జిల్లా అధికారులను అభినందించారు. సహాయక చర్యలను ముమ్మరం చేయాలని, మిగిలినవారిని సురక్షితంగా బయటకు తీసుకురావాలని సూచించారు.