Women Gang Raped | హర్యానాలో దారుణం.. కుటుంబ సభ్యుల ఎదుటే ముగ్గురు మహిళలపై సామూహిక లైంగిక దాడి

Women Gang Raped | సాయుధులైన కొందరు వ్యక్తులు ఒక ఇంట్లోకి బలవంతంగా చొరబడ్డారు. కుటుంబ సభ్యులను తాళ్లతో కట్టేశారు. వారి ఎదుటే ముగ్గురు మహిళలపై సామూహిక లైంగిక దాడికి పాల్పడ్డారు. (Women Gang Raped) హర్యానాలోని పానిపట్ జిల్లాలో ఈ దారుణం జరిగింది.

చండీగఢ్‌: సాయుధులైన కొందరు వ్యక్తులు ఒక ఇంట్లోకి బలవంతంగా చొరబడ్డారు. కుటుంబ సభ్యులను తాళ్లతో కట్టేశారు. వారి ఎదుటే ముగ్గురు మహిళలపై సామూహిక లైంగిక దాడికి పాల్పడ్డారు. (Women Gang Raped) హర్యానాలోని పానిపట్ జిల్లాలో ఈ దారుణం జరిగింది. కత్తులు, పదునైన ఆయుధాలు కలిగిన నలుగురు వ్యక్తులు బుధవారం అర్ధరాత్రి వేళ మహిళా కూలీల ఇంట్లోకి బలవంతంగా ప్రవేశించారు. కుటుంబ సభ్యులను తాళ్లతో కట్టేశారు. అనంతరం కుటుంబ సభ్యుల ఎదుటే ముగ్గురు మహిళలపై సామూహిక అత్యాచారం చేశారు. ఆ తర్వాత ఆ ఇంట్లోని డబ్బు, నగలు దోచుకున్నారు.

కాగా, అదే గ్రామంలో మరో ఇంటిపై కూడా ఆ వ్యక్తులు దాడి చేసినట్లు పోలీసులు అనుమానిస్తున్నారు. దంపతుల ఇంట్లోకి చొరబడి వారిపై దాడి చేసినట్లు తెలిపారు. ఒక వ్యక్తి నుంచి డబ్బులు, మొబైల్‌ ఫోన్‌ దోచుకున్నారని చెప్పారు. ఈ రెండు సంఘటనలపై ఫిర్యాదులు అందడంతో కేసులు నమోదు చేసి దర్యాప్తు చేస్తున్నట్లు వెల్లడించారు.