మీరు పైన ఫోటోలో చూస్తున్న ఈ బుడ్డోడి పేరు మయాన్. వయసు ఎంతో తెలుసా.. 2.5 సంవత్సరాలు. కానీ.. మనోడి మెమోరీ పవర్ కింద ఎవ్వరూ పనికిరారు. పెద్దోళ్లు కూడా మనోడి ముందు దిగదుడుపే.
తమిళనాడులోని శివగంగ జిల్లా తిరుప్పువనానికి చెందిన మయాన్కు ఇంకా సరిగ్గా మాటలు కూడా రావు. కానీ.. మెమోరీ పవర్ మాత్రం అదుర్స్.
ఎంత స్ట్రాంగ్ మెమోరీ పవర్ అంటే.. ఒక్కసారి దేన్నాయినా చూస్తే చాలు.. ఇక తన మెదడులో అది నిక్షిప్తం అయిపోవాల్సిందే. నిద్రలో లేపి ఆ విషయం గురించి అడిగినా టక్కున చెప్పేస్తాము మయాన్.
మయాన్లోని ఈ టాలెంట్ను చూసిన అతడి తల్లిదండ్రులు బాలాజీ, నందిని.. ఇండియా బుక్ ఆఫ్ రికార్డ్స్, కలామ్ బుక్ ఆఫ్ రికార్డ్స్కు ఎంట్రీని పంపించారు. దీంతో ఆ పిల్లాడి టాలెంట్కు ఇండియా బుక్ ఆఫ్ రికార్డ్స్, కలామ్ బుక్ ఆఫ్ రికార్డ్స్ ప్రతినిధులే ఫిదా అయిపోయారు.
ఇలాంటి మెమోరీ పవర్తో ఇప్పటి వరకు 4 ఏళ్ల కంటే ఎక్కువ వయసు ఉన్న పిల్లలే రికార్డులు క్రియేట్ చేశారు. కానీ.. తొలిసారి 2.5 ఏళ్ల వయసు ఉన్న మయాన్ సరికొత్త రికార్డు క్రియేట్ చేశాడు.