Sucheta Satish | 140 భాషల్లో పాట.. కేరళ యువతి సుచేత సతీశ్‌ గిన్నిస్‌ రికార్డ్‌

కేరళ యువతి సుచేత సతీశ్‌ గొప్ప లక్ష్యం కోసం 140 భాషల్లో పాట పాడి గిన్నిస్‌ వరల్డ్‌ రికార్డ్‌ సృష్టించారు. ఒకే కాన్సర్ట్‌లో అత్యధికంగా 140 భాషల్లో పాడినందుకు ఆమెను ఈ రికార్డు వరించింది.

Sucheta Satish | తిరువనంతపురం: కేరళ యువతి సుచేత సతీశ్‌ గొప్ప లక్ష్యం కోసం 140 భాషల్లో పాట పాడి గిన్నిస్‌ వరల్డ్‌ రికార్డ్‌ సృష్టించారు. ఒకే కాన్సర్ట్‌లో అత్యధికంగా 140 భాషల్లో పాడినందుకు ఆమెను ఈ రికార్డు వరించింది. వాతావరణం పట్ల ప్రజలకు అవగాహన కల్పించేందుకు నిర్వహించిన సంగీత విభావరిలో ఆమె తన ప్రతిభాపాటవాలను ప్రదర్శించి, అందరి మన్ననలను అందుకున్నారు. 2023 నవంబరు 24న యునైటెడ్‌ అరబ్‌ ఎమిరేట్స్‌, దుబాయ్‌లోని ఇండియన్‌ కాన్సులేట్‌ ఆడిటోరియంలో ఈ ‘కాన్సర్ట్‌ ఫర్‌ ైక్లెమేట్‌’ జరిగింది.

తాను పాడిన పాటను ఆమె సామాజిక మాధ్యమాల్లో షేర్‌ చేశారు. వీటిని విన్నవారంతా మంత్రముగ్ధులై, ఆమెను అభినందిస్తున్నారు. 9 గంటల్లో 140 భాషల్లో పాట పాడి ఈ రికార్డును ఆమె సొంతం చేసుకున్నారు. భగవంతుని దయ వలన ఈ రికార్డును సొంతం చేసుకోవడం చాలా సంతోషంగా ఉందని ఆమె తెలిపారు. దుబాయ్‌లో జరిగిన సీఓపీ 28 సదస్సులో 140 దేశాలు పాల్గొన్నాయి కాబట్టి, దానిని గుర్తు చేస్తూ 140 భాషల్లో పాడాలని అనుకున్నారు.