పుడమి పుత్ర పురస్కార గ్రహీత అనిల్‌

నారాయణపేట, ఫిబ్రవరి 14 : నల్గొండ జిల్లా సూర్యపేటలో ఆదివారం నిర్వహించిన రాష్ట్ర స్థాయి రైతు సదస్సులో జిల్లా కేంద్రానికి చెందిన గట్టు అనిల్‌కుమార్‌ పుడమి పుత్ర పురస్కారాన్ని రాష్ట్ర విద్యుత్‌ శాఖ మంత్రి జగదీశ్వర్‌రెడ్డి నుంచి అవార్డు, సత్కారం అందుకున్నారు. ఉమ్మడి రాష్ట్రంలో ప్రకృతి, సేంద్రియ పద్ధతు ల్లో వ్యవసాయం చేస్తున్న 90 మంది రైతులను గుర్తించారు. అంతర్జాతీయ పప్పు దినోత్సవాన్ని పురస్కరించుకొని గాంధీ గ్లోబల్‌ సంస్థ చైర్మన్‌ గున్న రాజేందర్‌రెడ్డి, కేవీకే రైతుమిత్ర ఫౌండర్‌ ఉపేందర్‌రెడ్డి ఆధ్వర్యంలో జరిగిన కార్యక్రమానికి ముఖ్య అతిథిగా మంత్రి హాజరయ్యారు. రాష్ట్ర స్థాయి పురస్కారం అందుకున్న గట్టు అనిల్‌కుమార్‌ను పలువురు అభినందనలు తెలిపారు.