పార్లమెంట్ హౌస్ కాంప్లెక్స్‌లో పోచంపల్లి నిఫ్ట్ డిజైనర్ తడక వైష్ణవి చేనేత స్టాల్‌

న్యూఢిల్లీలోని పార్లమెంట్ భవనంలో 12వ బ్రిక్స్ పార్లమెంటరీ ఫోరం స‌ద‌స్సు కొనసాగుతుంది. తెలంగాణ నుండి యాదాద్రి భువనగిరి జిల్లా భూదాన్ పోచంపల్లికి చెందిన నిఫ్ట్ డిజైనర్ తడక వైష్ణవి పార్లమెంటు భవనం ఆవరణలో ఇక్కత్ చేనేత వస్త్రాల ఎగ్జిబిషన్ ఏర్పాటు చేసుకునేందుకు...

భూదాన్ పోచంపల్లి, అక్టోబర్ 27 : న్యూఢిల్లీలోని పార్లమెంట్ భవనంలో 12వ బ్రిక్స్ పార్లమెంటరీ ఫోరం స‌ద‌స్సు కొనసాగుతుంది. తెలంగాణ నుండి యాదాద్రి భువనగిరి జిల్లా భూదాన్ పోచంపల్లికి చెందిన నిఫ్ట్ డిజైనర్ తడక వైష్ణవి పార్లమెంటు భవనం ఆవరణలో ఇక్కత్ చేనేత వస్త్రాల ఎగ్జిబిషన్ ఏర్పాటు చేసుకునేందుకు ఎంపికైంది. చిటికి లూమ్స్ సంస్థ సీఈఓగా బాధ్యతలు నిర్వహిస్తున్న వైష్ణవి తన కుటుంబ మూడో తరం నేతకారిణిగా చేనేత రంగంలో ప్రత్యేక గుర్తింపు దిశగా అడుగులు వేస్తున్న‌ది. దేశ వ్యాప్తంగా ఎంపికైన నాలుగు చేనేత స్టోర్లలో చిటికి లూమ్స్ ఒకటిగా నిలిచి, 21 దేశాల ప్రతినిధుల సమక్షంలో భారతీయ చేనేత కళా వైభవాన్ని ప్రదర్శించింది. యువతలో చేనేత వస్త్రాలపై ఆసక్తిని పెంచడం, సంప్రదాయ ఇక్కత్ కళకు ఆధునిక డిజైన్లను జోడించడం, అంతర్జాతీయ మార్కెట్‌కు అనువైన వినూత్న ఉత్పత్తులను రూపొందించడం వైష్ట‌వి ప్రధాన లక్ష్యాలుగా ఉన్న‌వి. హైదరాబాద్‌లోని మణికొండలో ఉన్న చిటికి లూమ్స్ ద్వారా వైష్ణవి భారతీయ నేతకారుల నైపుణ్యాన్ని ప్రపంచానికి పరిచయం చేసే దిశగా త‌న ప్ర‌యాణాన్ని సాగిస్తున్న‌ది.