‘రైతులకు న్యాయం జరిగేంత వ‌ర‌కు పోరాటం కొన‌సాగిస్తాం’

జూరాల ప్రాజెక్టు పరిధిలో సాగునీరు అందక రైతుల పంటలు ఎండిపోతున్న పరిస్థితుల్లో వారి సమస్యలను తెలుసుకుని, ప్రభుత్వంపై ఒత్తిడి తీసుకువచ్చి నీటిని విడుదల చేయించేందుకు వెళ్తున్న బీజేపీ రాష్ట్ర అధ్యక్షుడు ఎన్.రామచందర్ రావును అరెస్ట్ చేయడాన్ని ఆ పార్టీ నకిరేకల్ పట్టణ అధ్యక్షుడు...

– బీజేపీ నకిరేకల్ పట్టణ అధ్యక్షుడు గర్రె మురళీమోహన్
– రాష్ట్ర అధ్యక్షుడు ఎన్.రామచందర్ రావు అరెస్ట్‌పై తీవ్ర నిర‌స‌న‌

నకిరేకల్, సెప్టెంబర్ 22 : జూరాల ప్రాజెక్టు పరిధిలో సాగునీరు అందక రైతుల పంటలు ఎండిపోతున్న పరిస్థితుల్లో వారి సమస్యలను తెలుసుకుని, ప్రభుత్వంపై ఒత్తిడి తీసుకువచ్చి నీటిని విడుదల చేయించేందుకు వెళ్తున్న బీజేపీ రాష్ట్ర అధ్యక్షుడు ఎన్.రామచందర్ రావును అరెస్ట్ చేయడాన్ని ఆ పార్టీ నకిరేకల్ పట్టణ అధ్యక్షుడు గర్రె మురళీమోహన్ తీవ్రంగా ఖండించారు. రైతుల పంటలు ఎండిపోతున్నా ప్రభుత్వం పట్టించుకోకుండా, రైతుల పక్షాన నిలబడి వారి సమస్యలను ప్రభుత్వం దృష్టికి తీసుకెళ్లేందుకు ప్రయత్నిస్తున్న ప్రతిపక్ష నాయకుడిని అరెస్ట్ చేయడం ప్రజాస్వామ్యంపై మచ్చ అన్నారు. రైతులకు న్యాయం జరిగే వరకు గ్రామ, మండల, నియోజకవర్గ స్థాయిలో ప్రజలను సమీకరించి ఆందోళన కార్యక్రమాలు చేపడతామని హెచ్చరించారు. ప్రభుత్వం వెంటనే స్పందించి జూరాల, శ్రీశైలం, నాగార్జున సాగర్, డిండి, ఎస్ఎల్‌బీసీ అలాగే రాష్ట్ర వ్యాప్తంగా ఉన్న ప్రాజెక్టుల పరిస్థితిపై స్పందించి, పంటలను కాపాడేందుకు అవసరమైన సాగునీటిని విడుదల చేయాలని డిమాండ్ చేశారు.