నల్ల‌గొండ‌లో లీగల్ మెట్రాలజీ, పౌర సరఫరాల శాఖల సంయుక్త తనిఖీలు

నల్ల‌గొండ‌ పట్టణంలో బియ్యం, కిరాణా దుకాణాలు, వంట నూనెల వ్యాపార సంస్థల్లో లీగల్ మెట్రాలజీ, పౌర సరఫరాల శాఖల అధికారులు శనివారం సంయుక్త తనిఖీలు నిర్వహించారు. జిల్లా కలెక్టర్ ఆదేశాల మేరకు జిల్లా లీగల్ మెట్రాలజీ అధికారి శ్రీనివాస్, జిల్లా పౌర సరఫరాల అధికారులు, డీటీ సివిల్ సప్లైస్ ఎన్‌ఫోర్స్‌మెంట్ అధికారులు...

– నిబంధనలు ఉల్లంఘించిన వ్యాపారులపై నాలుగు కేసులు నమోదు

నల్ల‌గొండ రూరల్, అక్టోబర్ 24 : నల్ల‌గొండ‌ పట్టణంలో బియ్యం, కిరాణా దుకాణాలు, వంట నూనెల వ్యాపార సంస్థల్లో లీగల్ మెట్రాలజీ, పౌర సరఫరాల శాఖల అధికారులు శనివారం సంయుక్త తనిఖీలు నిర్వహించారు. జిల్లా కలెక్టర్ ఆదేశాల మేరకు జిల్లా లీగల్ మెట్రాలజీ అధికారి శ్రీనివాస్, జిల్లా పౌర సరఫరాల అధికారులు, డీటీ సివిల్ సప్లైస్ ఎన్‌ఫోర్స్‌మెంట్ అధికారులు ఈ తనిఖీల్లో పాల్గొన్నారు. వ్యాపార సంస్థల్లో వినియోగిస్తున్న తూనికల పరికరాల ధృవీకరణ, ముద్రలు, తూనికలు, కొలతలకు సంబంధించిన నిబంధనలను అధికారులు పరిశీలించారు. నిబంధనలు ఉల్లంఘించిన వ్యాపార సంస్థలపై లీగల్ మెట్రాలజీ చట్టం–2009 ప్రకారం నాలుగు కేసులు నమోదు చేశారు.  ధృవీకరించిన తూనికల పరికరాలనే వ్యాపారులు వినియోగించాలని, వినియోగదారులకు సరైన తూకం అందించాలని అధికారులు సూచించారు. నిబంధనలు ఉల్లంఘిస్తే కఠిన చర్యలు తీసుకుంటామని హెచ్చరించారు. తక్కువ తూకం లేదా తప్పు కొలతలు గుర్తిస్తే సంబంధిత శాఖ అధికారులకు ఫిర్యాదు చేయాలని వినియోగదారులను కోరారు.