అమ్మ ఆదర్శ పాఠశాలల్లో పనులన్నింటినీ పూర్తి చేయాలి

అమ్మ ఆదర్శ పాఠశాలల్లో చేపట్టిన పనులన్నింటినీ వెంటనే పూర్తిచేయాలని కలెక్టర్‌ దాసరి హరిచందన ఇంజినీరింగ్‌ అధికారులను ఆదేశించారు. తన చాంబర్‌లో సోమవారం ఆమె అమ్మ ఆదర్శ పాఠశాలల్లో పనులు, విద్యార్థులకు దుస్తుల పంపిణీపై అధికారులతో సమీక్ష నిర్వహించారు.

• కలెక్టర్‌ దాసరి హరిచందన

నీలగిరి. జూన్‌ 10 : అమ్మ ఆదర్శ పాఠశాలల్లో చేపట్టిన పనులన్నింటినీ వెంటనే పూర్తిచేయాలని కలెక్టర్‌ దాసరి హరిచందన ఇంజినీరింగ్‌ అధికారులను ఆదేశించారు. తన చాంబర్‌లో సోమవారం ఆమె అమ్మ ఆదర్శ పాఠశాలల్లో పనులు, విద్యార్థులకు దుస్తుల పంపిణీపై అధికారులతో సమీక్ష నిర్వహించారు. ఈ నెల 12న పాఠశాలలు పునః ప్రారంభమవుతున్న దృష్ట్యా అందుకు అవసరమైన అన్ని ఏర్పాట్లు చేయాలన్నారు.

తాగునీరు, టాయిలెట్లు, ఎలక్ట్రికల్‌ వంటి మరమ్మతు పనులను పూర్తి చేయాలని తెలిపారు. విద్యార్థులకు యూనిఫామ్‌ పంపిణీకి చర్యలు తీసుకోవాలని చెప్పారు. ఈ సమావేశంలో స్థానిక సంస్థల అదనపు కలెక్టర్‌ టి. పూర్ణచం ద్ర, మిషన్‌ భగీరథ ఎస్‌ఈ డి. వెంకటేశ్వర్లు, వివిధ శాఖల ఇంజినీరింగ్‌ అధికారులు పాల్గొన్నారు.