‘​పట్టభద్రులంతా ఓటు నమోదు చేసుకోవాలి’

రాబోయే ఉమ్మడి ఖమ్మం-వరంగల్-నల్లగొండ జిల్లాల పట్టభద్రుల ఎమ్మెల్సీ ఎన్నికల నేపథ్యంలో అర్హులైన ప్రతి ఒక్క గ్రాడ్యుయేట్ ఓటరుగా నమోదు చేసుకోవాలని బీఆర్ఎస్ మండల నాయకుడు మట్టిపల్లి వెంకట్ యాదవ్ కోరారు. బుధవారం తుంగతుర్తి మండల కేంద్రంలో...

తుంగ‌తుర్తి, అక్టోబర్ 28 : రాబోయే ఉమ్మడి ఖమ్మం-వరంగల్-నల్లగొండ జిల్లాల పట్టభద్రుల ఎమ్మెల్సీ ఎన్నికల నేపథ్యంలో అర్హులైన ప్రతి ఒక్క గ్రాడ్యుయేట్ ఓటరుగా నమోదు చేసుకోవాలని బీఆర్ఎస్ మండల నాయకుడు మట్టిపల్లి వెంకట్ యాదవ్ కోరారు. బుధవారం తుంగతుర్తి మండల కేంద్రంలో ఆయన విలేకరులతో మాట్లాడుతూ.. ప్రజాస్వామ్యంలో ఓటు హక్కు అనేది అత్యంత శక్తివంతమైన ఆయుధమని పట్టభద్రులు తమ ప్రాతినిధ్యాన్ని బలోపేతం చేసుకోవడానికి ఓటరు నమోదు ప్రక్రియలో భాగస్వాములు కావాలని సూచించారు. డిగ్రీ లేదా దానికి సమానమైన అర్హత కలిగి ఉండి ఉత్తీర్ణులై మూడేళ్లు పూర్తయిన ప్రతీ ఒక్కరూ ఓటరుగా నమోదు చేసుకునేందుకు అర్హులని తెలిపారు. ​నమోదు చేసుకోవడానికి అవసరమైన ఫారం-18 ను పూర్తి చేసి సంబంధిత విద్యార్హత సర్టిఫికెట్లు, ఆధార్ కార్డు, పాస్‌పోర్ట్ సైజ్ ఫోటోలతో ఆన్‌లైన్‌లో లేదా నిర్దేశిత కేంద్రాలలో దరఖాస్తు చేసుకోవాలన్నారు. అసెంబ్లీ ఎన్నికల్లో నిరుద్యోగులకు అబద్ధపు హామీలు ఇచ్చి గద్దెనెక్కిన కాంగ్రెస్ ప్రభుత్వానికి తగిన బుద్ధి చెప్పే విధంగా ప్రతి ఒక్క గ్రాడ్యుయేట్ ఓటు వేయాలని కోరారు.