దత్తత తీసుకుందాం.. ఎంచక్కా..

రంగు రంగుల అందమైన పక్షులు, చెంగుచెంగున దుంకే లేడి పిల్లలు, రాజసానికి మారుపేరుగా నిలిచే మృగరాజు సింహం వంటి తదితర జంతుజాలాన్ని దత్తత తీసుకోవాలనుకుంటున్నారా? అయితే మీకు ఇదే సువర్ణావకాశం

January 10, 2023 / 12:20 AM IST

చార్మినార్‌, జనవరి 9: రంగు రంగుల అందమైన పక్షులు, చెంగుచెంగున దుంకే లేడి పిల్లలు, రాజసానికి మారుపేరుగా నిలిచే మృగరాజు సింహం వంటి తదితర జంతుజాలాన్ని దత్తత తీసుకోవాలనుకుంటున్నారా? అయితే మీకు ఇదే సువర్ణావకాశం.

వన్యప్రాణుల ప్రేమికుల కోసం జూ పార్క్‌ ప్రత్యేకమైన పథకాన్ని అందుబాటులోకి తెచ్చింది. జూలో సందర్శకుల సౌకర్యార్థం ఎన్‌క్లోజర్‌లలోని వన్యప్రాణులను కొద్ది కాలం పాటు దత్తతకు తీసుకునే అవకాశాన్ని కల్పిస్తున్నారు. మూడు నెలలు, ఆరు నెలలు, సంవత్సర కాలానికి జంతుప్రేమికులు జంతుజాలాన్ని దత్తత పొందవచ్చు. అదే సమయంలో జంతుజాలం ఎన్‌క్లోజర్‌ వద్ద దత్తత పొందిన వారి పేర్లను తెలియజేస్తూ జూ అధికారులు సంవత్సర కాలం పాటు వారి పేరును బోర్డుపై సముచిత ప్రాధాన్యత కల్పిస్తూ ఎన్‌క్లోజర్‌ వద్ద ప్రదర్శిస్తుంటారు.