పల్లె లోగిళ్లు.. పండుగ సందడి

పల్లెలు, పట్టణాలు సంక్రాంతి శోభను సంతరించుకున్నాయి. రెండు రోజులు సెలవులు రావడంతో ప్రజలు సొంతూళ్లకు పయనమయ్యారు.

పల్లెలు, పట్టణాలు సంక్రాంతి శోభను సంతరించుకున్నాయి. రెండు రోజులు సెలవులు రావడంతో ప్రజలు సొంతూళ్లకు పయనమయ్యారు. కుటుంబసభ్యులు, బంధువులు, స్నేహితుల రాకతో ఊరూ వాడల్లో సందడి నెలకొన్నది. పండుగ వేళ ప్రత్యేక పూజలతో ఆలయాల్లో ఆధ్యాత్మికత వెల్లివిరుస్తున్నది.

పతంగులు, బట్టలు, మిఠాయి, పూల దుకాణాలు కొనుగోళ్లతో కిటకిటలాడుతున్నాయి. ప్రతి ఇంటి ఎదుట తీర్చిదిద్దిన రంగురంగుల రంగవల్లులు కనువిందు చేస్తున్నాయి. పతంగులు ఎగువేస్తూ, డీజే పాటలకు డ్యాన్స్‌ చేస్తూ చిన్నా, పెద్దా కేరింతలు కొడుతున్నారు. వివిధ పిండివంటలు నోరూరిస్తున్నాయి. గంగిరెద్దుల విన్యాసాలు ఆకట్టుకుంటున్నాయి.