సిర్గాపూర్‌లో వ్యక్తి ఆత్మహత్య

Sangareddy | ఓ వ్యక్తి చెట్టుకు ఉరేసుకొని ఆత్మహత్య చేసుకున్న ఘటన సిర్గాపూర్ మండలంలో చోటుచేసుకుంది.

సిర్గాపూర్, అక్టోబర్ 04: ఓ వ్యక్తి చెట్టుకు ఉరేసుకొని ఆత్మహత్య చేసుకున్న ఘటన సిర్గాపూర్ మండలంలో చోటుచేసుకుంది. పోలీసులు తెలిపిన వివరాల ప్రకారం.. మండలం పోచపూర్ గ్రామానికి చెందిన తడబోయిన శివకుమార్ (34) శనివారం ఉదయం ఇంటి నుంచి బైక్ పై రోజువారీగా ఖేడ్‌లో టైలర్ వర్క్ కోసం బయలుదేరి వెళ్లాడు. అయితే, మార్గమధ్యలో నల్లవాగు పరిసరాల్లో ఓ చెట్టుకు ఉరేసుకొని ఆత్మహత్య చేసుకున్నాడు. అటుగా వెళుతున్న కొందరు ఈ ఘటనపై సిర్గాపూర్ పోలీసులకు సమాచారం ఇచ్చారు. విషయం తెలుసుకున్న సిర్గాపూర్ పోలీసులు సంఘటన స్థలానికి సందర్శించి, పోచాపూర్‌కు చెందిన శివ కుమార్‌గా గుర్తించారు. అయితే, ఆత్మహత్యకు గల కారణాలు తెలియరాలేదు. పోలీసులు కేసు నమోదు చేసి దర్యాప్తు చేస్తున్నారు.