ఉత్సాహంగా టెక్‌ఫెస్ట్‌

తమ కోర్సులో భాగంగా నేర్చుకున్న అంశాలను ప్రదర్శించి ప్రతిభను చాటేందుకు సృజన టెక్‌ఫెస్ట్‌ వేదికైంది. ఉమ్మడి మెదక్‌ జిల్లా పరిధిలోని ప్రభుత్వ పాలిటెక్నిక్‌ కళాశాలల విద్యార్థులకు గురువారం మండల పరిధిలోని హనుమాన్‌ నగర్‌లోని ప్రభుత్వ పాలిటెక్నిక్‌ కళాశాలలో సృజన టెక్‌ఫెస్ట్‌ నిర్వహించారు.

• పాలిటెక్నిక్‌ కళాశాలల విద్యార్థుల కొత్త ఆవిష్కరణల ప్రదర్శన
• సంగారెడ్డి, జహీరాబాద్‌ పాలిటెక్నిక్‌ కళాశాలల్లో సృజన టెక్‌ఫెస్ట్‌ నిర్వహణ
• ఉమ్మడి మెదక్‌ జిల్లాలోని అన్ని ప్రాంతాల నుంచి పాల్గొన్న విద్యార్థులు
• విద్యార్థుల్లో నైపుణ్యతను వెలికితీసిన నూతన

ఆవిష్కరణలుసంగారెడ్డి కలెక్టరేట్‌, డిసెంబర్‌ 21: తమ కోర్సులో భాగంగా నేర్చుకున్న అంశాలను ప్రదర్శించి ప్రతిభను చాటేందుకు సృజన టెక్‌ఫెస్ట్‌ వేదికైంది. ఉమ్మడి మెదక్‌ జిల్లా పరిధిలోని ప్రభుత్వ పాలిటెక్నిక్‌ కళాశాలల విద్యార్థులకు గురువారం మండల పరిధిలోని హనుమాన్‌ నగర్‌లోని ప్రభుత్వ పాలిటెక్నిక్‌ కళాశాలలో సృజన టెక్‌ఫెస్ట్‌ నిర్వహించారు. ఈ పోటీల్లో జోగిపేట, నారాయణఖేడ్‌, గజ్వేల్‌, సిద్దిపేట, మెదక్‌, సంగారెడ్డి ప్రభుత్వ పాలిటెక్నిక్‌ కళాశాలల విద్యార్థులు ఉత్సాహంగా పాల్గొన్నారు.

ఈ సందర్భంగా పాలిటెక్నిక్‌ కళాశాల ప్రిన్సిపాల్‌ డాక్టర్‌ శ్రీనివాసులు మాట్లాడుతూ సృజన టెక్‌ఫెస్ట్‌ పోటీలు విద్యార్థుల్లో దాగి ఉన్న పరిజ్ఞానాన్ని వెలికితీసేందుకే ఉపయోగపడతాయన్నారు. ఈ పోటీల్లో జోగిపేట ప్రభుత్వ మహిళా పాలిటెక్నిక్‌ కళాశాల విద్యార్థులు ప్రథమ బహుమతి పొందగా, గజ్వేల్‌ జీఎంఆర్‌పీ విద్యార్థులు ద్వితీయ స్థానంలో నిలిచారు. ఈ పోటీల్లో ఉమ్మడి మెదక్‌ జిల్లా ఈసీఈ కోఆర్డినేటర్‌ జి.మల్లికార్జున్‌, బీఎస్‌ఎన్‌ఎల్‌ ఏజీఎం వసంత, శ్రీదేవి ఇంజినీరింగ్‌ కళాశాల ఈసీఈ విభాగధిపతి డాక్టర్‌ జగదీశ్‌ న్యాయ నిర్ణేతలుగా వ్యవహరించారు. కార్యక్రమంలో వివిధ కళాశాలల అధ్యాపకులు, విద్యార్థులు పాల్గొన్నారు.