ఓటెత్తారు..
శాసనసభ ఎన్నికల మహా సంగ్రామం గురువారం ముగిసింది. జిల్లాలో అక్కడక్కడ ఈవీఎంల మొరాయింపులు, చిన్నచిన్న ఘటనలు మినహా పోలింగ్ ప్రశాంతంగా కొనసాగింది. పోలింగ్ సమయం ముగిసే వరకు కూడా పలు కేంద్రాల్లో ఓటర్లు బారులు తీరగా వారందరికీ రాత్రి వరకు ఓటు వేసేందుకు అవకాశం కల్పించారు.
- ప్రశాంతంగా ముగిసిన పోలింగ్
- పోలింగ్ కేంద్రాలను సందర్శించి ఎన్నికల సరళిని పర్యవేక్షించిన అభ్యర్థులు
- ఓటు హక్కును వినియోగించుకున్న మంత్రి హరీశ్రావు, ఇతర ప్రముఖులు
- పోలీసుల భారీ బందోబస్తు
- గురువారం సాయంత్రం ఐదు గంటల వరకు గజ్వేల్ నియోజకవర్గంలో76.17శాతం సిద్దిపేట73.03, దుబ్బాకలో 82.75, హుస్నాబాద్లో 77.81 శాతం నమోదు
- ఈనెల 3న ఓట్ల లెక్కింపు
శాసనసభ ఎన్నికల మహా సంగ్రామం గురువారం ముగిసింది. జిల్లాలో అక్కడక్కడ ఈవీఎంల మొరాయింపులు, చిన్నచిన్న
ఘటనలు మినహా పోలింగ్ ప్రశాంతంగా కొనసాగింది. పోలింగ్ సమయం ముగిసే వరకు కూడా పలు కేంద్రాల్లో ఓటర్లు బారులు తీరగా వారందరికీ రాత్రి వరకు ఓటు వేసేందుకు అవకాశం కల్పించారు. సిద్దిపేటలో మంత్రి హరీశ్రావు తన కుటుంబ సభ్యులలో కలిసి ఓటు హక్కును వినియోగించుకున్నారు. ఇతర ప్రముఖులు వారి స్వగ్రామాల్లో ఓటు హక్కును సద్వినియోగం చేసుకున్నారు. ఈనెల 3న ఓట్లను లెక్కించనున్నారు.ఉదయం నుంచే గ్రామీణ ప్రాంతాల్లో ఓటు వేసేందుకు ఓటర్లు బారులు తీరారు. దివ్యాంగుల కోసం ప్రత్యేకంగా వీల్చైర్లు, వాహనాలు ఏర్పాటు చేయడంతో వారంతా ఓటు హక్కును వినియో
గించుకున్నారు. పోలీసులు పటిష్టమైన బందోబస్తు ఏర్పాటు చేశారు.
– సిద్దిపేట (నమస్తే తెలంగాణ ప్రతినిధి)/ సిద్దిపేట అర్బన్, నవంబర్ 30

నమస్తే నెట్వర్క్, నవంబర్ 30 : నియోజకవర్గంలో పోలింగ్ ప్రశాంతంగా ముగిసింది. ఉదయం 7గంటల నుంచి ఓటు హక్కును వినియోగించుకునేందుకు ఓటర్లు క్యూ కట్టారు. సాయంత్రం 5గంటల వరకే సమయం దాటినా ఓటు హక్కు వినియోగించుకునేందుకు కేంద్రాల్లో బారులు తీరారు. రాఘవాపూర్, తోర్నాల, ఇర్కోడులోని పోలింగ్ కేంద్రాల్లో ఉదయం 6:30 వరకు ఓటు వేసేందుకు క్యూలో ఉన్నారు. రాఘవాపూర్లో గుడికందుల మల్లయ్య పక్షవాతంతో బాధపడుతున్నాడు. విషయం తెలుసుకున్న బీఆర్ఎస్వీ గ్రామశాఖ అధ్యక్షుడు గ్యార సురేశ్ చొరవతో మల్లయ్యను పోలింగ్ కేంద్రానికి తీసుకువచ్చి ఓటు వేయించారు. రాఘవాపూర్లో గ్యార వెంకవ్వ (90) అనారోగ్యంతో బాధపడుతుండగా బూత్ ఇన్చార్జి గ్యార బాల్రాజ్ సాయంతో పోలింగ్ కేంద్రానికి వచ్చి ఓటు హక్కు వినియోగించుకుంది. చంద్లాపూర్లో జడ్పీ చైర్పర్సన్ వేలేటి రాధాకృష్ణశర్మ దంపతులు ఓటుహక్కు వినియోగించుకున్నారు.

సిద్దిపేటలో 73.03 శాతం పోలింగ్
సిద్దిపేట, నవంబర్ 30 : నియోజకవర్గవ్యాప్తంగా పోలింగ్ ప్రశాంతంగా జరిగింది. సాయం త్రం 5గంటలకు 73.03శాతం పోలింగ్ నమోదైంది. గంటల వారీగా చూస్తే ఉదయం 7 నుంచి 9 వరకు సిద్దిపేటలో 11.31శాతం, 11 వరకు 30.0 శాతం, మధ్యాహ్నం ఒంటి గంటల వరకు 44.85శాతం, మధ్యాహ్నం 3 వరకు 64.52 శాతం పోలింగ్ నమోదైంది. సాయంత్రం 5 వరకు 73.03 శాతం పోలింగ్ నమోదైంది. నియోజకవర్గంలో యువకుల కోసం ప్రత్యేకంగా ప్రభుత్వ డిగ్రీ కాలేజీ పోలింగ్ కేంద్రాన్ని ఏర్పాటు చేశారు. పోలింగ్ కేంద్రాల్లో దివ్యాంగుల కోసం ప్రత్యేకంగా వీల్ చైర్లను ఏర్పాటు చేశారు. ఈవీఎంలు, వీవీ ప్యాట్లను సిద్దిపేట శివారు పొన్నాలలోని ఇం దూరు ఇంజినీరింగ్ కాలేజీలో ఏర్పాటు చేసిన స్ట్రాంగ్ రూమ్కు తరలించారు.

జిల్లాలో ప్రశాంతంగా ముగిసిన పోలింగ్ : సీపీ
సిద్దిపేట అర్బన్, నవంబర్ 30 : జిల్లాలో పోలింగ్ ప్రశాంతంగా ముగిసినట్లు సీపీ శ్వేత తెలిపారు. జిల్లాలో ప్రశాంతమైన వాతావరణంలో ఎన్నికలు జరగడానికి బందోబస్తు నిర్వహించిన పోలీస్ అధికారులను, సిబ్బందిని అభినందించారు. ప్రశాంతంగా పోలింగ్ ముగిసేందుకు సహకరించిన ప్రజలకు, ప్రజాప్రతినిధులకు కృతజ్ఞతలు తెలిపారు. ప్రతి పోలింగ్ స్టేషన్ నుంచి ఈవీఎం, వీవీ ప్యాట్లను పట్టణంలోని ఇందూర్ ఇంజినీరింగ్ కళాశాలకు తరలించి స్ట్రాంగ్రూమ్ వద్ద పటిష్ట బందోబస్తు ఏర్పాటు చేసినట్లు చెప్పారు. ఈ నెల 3వ తేదీన ఎన్నికల కౌంటింగ్కు పటిష్టమైన బందోబస్తు ఏర్పాటు చేసినట్లు సీపీ తెలిపారు.
Read Today's Latest Medak News in Telugu and Telugu News
RELATED ARTICLES
తాజా వార్తలు
‘భద్రాచలం ఛాంబర్ ఎన్నికలు న్యాయబద్ధంగా జరపాలి’
Telangana RERA | రెరా.. ఇది తగునా? రియల్ రంగంలో అవినీతికికొమ్ముకాస్తున్నట్లు విమర్శలు
MLA Raja Singh | ఆయన చెప్పింది నిజమే…తెలంగాణలో గుండాల రాజ్యం, అవినీతి రాజ్యం నడుస్తుంది : ఎమ్మెల్యే రాజాసింగ్
Yadagirigutta | యాదగిరిగుట్టలో ప్రారంభమైన కోటి పుష్పార్చన
మరిన్ని సేవా కార్యక్రమాలు చేపడతాం : వేల్పుల వేణు గోపాల్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

