Visit:
వెల్దుర్తి, సెప్టెంబర్ 24 : నవరాత్రి ఉత్సవాలు పూర్తి చేసుకున్న గణపయ్యను నిమజ్జనం చేస్తుండగా ప్రమాదవశాస్తూ నీట మునిగి వ్యక్తి మృతి చెందిన ఘటన మెదక్ జిల్లా మాసాయిపేట మండలం గోపాలకృష్ణ పురం గ్రామ శివారు హల్దీ ప్రాజెక్టు కాలువలో గురువారం తెల్లవారుజామున చోటుచేసుకుంది. స్థానికులు తెలిసిన వివరాల ప్రకారం.. మాసాయిపేట గ్రామానికి చెందిన కాముండ్ల గణేష్ (38) గ్రామంలోని గణపతి విగ్రహాన్ని గురువారం తెల్లవారుజామున సుమారు మూడు గంటల ప్రాంతంలో ప్రాజెక్టు కాలువలో నిమజ్జనం చేస్తుండగా ప్రమాదవశాత్తు గణేష్ నీటిలో మునిగిపోయాడు.
గమనించిన తోటివారు గణేష్ కోసం వెతికిన ఆచూకీ లభించలేదు. గ్రామంలోకి వెళ్లి కుటుంబ సభ్యులు గ్రామస్తులకు సమాచారం అందించారు. గురువారం ఉదయం వరకు కూడా గణేష్ మృతదేహం లభించకపోవడంతో పలువురు ఈతగాళ్లు గణేష్ మృతదేహం కోసం వెతుకుతున్నారు. గణేష్ మృతితో గ్రామంలో విషాదఛాయలు అలుముకున్నాయి.
