Visit:
సిద్దిపేట, సెప్టెంబర్‌ 20: తెలంగాణ సంస్కృతీ సంప్రదాయాలకు, ఆడపడుచుల ఔన్నత్యానికి ప్రతీకైన బతుకమ్మ పండుగను ఉమ్మడి మెదక్‌ జిల్లా ప్రజలందరూ సంతోషంగా జరుపుకోవాలని మాజీ మంత్రి, ఎమ్మెల్యే హరీశ్‌రావు ఆకాంక్షించారు. బతుకమ్మ పండుగ ప్రారంభోత్సవం సందర్భంగా ప్రజలకు శనివారం శుభాకాంక్షలు తెలిపారు.
అమావాస్య నుంచి తొమ్మిది రోజుల పాటు ఆడపడు చులు అందరూ కలిసి ఆడే గొప్ప పండుగ బతుకమ్మ అని, దేశంలోనే పూలను పూజించి, ప్రకృతిని ప్రేమించే గొప్ప పండుగ బతుకమ్మ అని పేర్కొన్నారు. తెలంగాణ తొలి సీఎం, బీఆర్‌ఎస్‌ ప్రభుత్వం బతుకమ్మ పండుగను అధికారికంగా నిర్వహించిందని, రాష్ట్ర పండుగగా గుర్తించిందని గుర్తుచేశారు. ఏటా తెలంగాణ ప్రభుత్వం బతుకమ్మ కానుకగా కేసీఆర్‌ ఆడపడుచులకు చీరలు పంపిణీ చేశామని గుర్తుచేశారు.
