చంపుతున్న చలి

ఈశాన్య గాలుల ప్రభావంతో గ్రేటర్‌లో రాత్రి ఉష్ణోగ్రతలు సాధారణ స్థాయి కంటే తక్కువకు పడిపోతున్నాయి. దీంతో చలితో నగరవాసులు వణికిపోతున్నారు. ముఖ్యంగా రాత్రి, ఉదయం సమయాల్లో చలి దడ పుట్టిస్తోంది.

సిటీబ్యూరో, డిసెంబర్‌ 20 (నమస్తే తెలంగాణ): ఈశాన్య గాలుల ప్రభావంతో గ్రేటర్‌లో రాత్రి ఉష్ణోగ్రతలు సాధారణ స్థాయి కంటే తక్కువకు పడిపోతున్నాయి. దీంతో చలితో నగరవాసులు వణికిపోతున్నారు. ముఖ్యంగా రాత్రి, ఉదయం సమయాల్లో చలి దడ పుట్టిస్తోంది.

ఈ క్రమంలో శుక్రవారం ఉదయం నుంచి శనివారం రాత్రి వరకు నగరంలో కనిష్ఠం 11.2 డిగ్రీలు, గరిష్ఠం 29.36 డిగ్రీలు, గాలిలో తేమ 36 శాతంగా నమోదైనట్లు హైదరాబాద్‌ వాతావరణ కేంద్రం అధికారులు వెల్లడించారు. రాగల వారం రోజులు చలి తీవ్రత మరింత పెరిగే అవకాశాలున్నట్లు హెచ్చరించారు.