Visit:
Disabled Students | మెదక్ రూరల్, నవంబర్ 29 : విజయానికి వైకల్యం అడ్డంకి కాదని, ప్రతిభ, దృఢ సంకల్పం ముందు వైకల్యం అల్పమైనదిగా కనిపిస్తుందని మెదక్ జిల్లా అదనపు కలెక్టర్ నగేష్ అన్నారు. డిసెంబర్ 3న జరుపుకునే అంతర్జాతీయ దివ్యాంగుల దినోత్సవం సందర్భంగా శనివారం మెదక్ జిల్లా సంక్షేమ శాఖ ఆధ్వర్యంలో జిల్లా కేంద్రంలోని స్టేడియంలో ఏర్పాటు చేసిన దివ్యాంగుల పిల్లల కోసం నిర్వహించిన క్రీడా పోటీని ఆయన జెండా ఊపి ప్రారంభించారు.
వివిధ వైకల్యం కలిగిన దివ్యాంగులు ఉత్సాహంగా క్రీడలలో పాల్గొన్నారు. ఈ సందర్భంగా అదనపు కలెక్టర్ నగేష్ మాట్లాడుతూ.. వైకల్యం శరీరానికి, మనసుకు సంబంధించినది కావచ్చు.. కానీ హృదయానికి సంబంధించినది కాదని అన్నారు. దివ్యాంగులు అన్ని రంగాల్లో రాణించి ప్రథమ స్థానంలో నిలవాలని ఆకాంక్షించారు. పరుగు పందెం, షార్ట్ ఫుట్, చెస్, జావెలిన్ త్రో, క్యారమ్ , క్రీడలు నిర్వహిస్తున్నామని సత్తా చాటిన వారికి అంతర్జాతీయ దివ్యాంగుల దినోత్సవం రోజు వారి ప్రతిభను గుర్తించి బహుమతి ప్రధానం ఉంటుందన్నారు.
ఈ కార్యక్రమంలో జిల్లా సంక్షేమ అధికారి హేమ భార్గవి, మెదక్ సీడీపీఓ స్వరూప, సంక్షేమ శాఖ సిబ్బంది,దివ్యాంగుల సంక్షేమ శాఖ యూనియన్ నాయకులు, దివ్యాంగులు పాల్గొన్నారు.
Dalit Cook: ద‌ళిత మ‌హిళ‌ను వంట చేయ‌కుండా అడ్డుకున్న ఆరుగురికి జైలుశిక్ష
Deeksha Divas | తెలంగాణ భవన్‌లో దీక్షా దివస్.. దీక్షా దివస్‌పై డాక్యుమెంటరీని ఆవిష్కరించిన కేటీఆర్
Ditwa cyclone | దిత్వా తుఫాను ఎఫెక్ట్‌.. అల్లకల్లోలంగా సముద్రం.. Video
