అండగా ఉంటాం.. భయపడొద్దు..

కాంగ్రెస్‌ వర్గీయుల చేతిలో తీవ్రంగా గాయపడి హైదరాబాద్‌లోని దవాఖానలో చికిత్స పొందుతు న్న బీఆర్‌ఎస్‌ కార్యకర్త సుంకరి మహేశ్‌ను బుధవారం గువ్వ ల బాలరాజు, ఆర్‌ఎస్‌ ప్రవీణ్‌కుమార్‌ పరామర్శించారు.

అచ్చంపేట, మే 15 : కాంగ్రెస్‌ వర్గీయుల చేతిలో తీవ్రంగా గాయపడి హైదరాబాద్‌లోని దవాఖానలో చికిత్స పొందుతున్న బీఆర్‌ఎస్‌ కార్యకర్త సుంకరి మహేశ్‌ను బుధవారం గువ్వల బాలరాజు, ఆర్‌ఎస్‌ ప్రవీణ్‌కుమార్‌ పరామర్శించారు. ఈ సందర్భంగా ఘటన వివరాలను కుటుంబసభ్యులను అడిగి తెలుసుకున్నారు. మహేశ్‌కు మెరుగైన సేవలందించాలని వైద్యులకు సూచించారు. తమను కాంగ్రెస్‌ వర్గీయులు చంపడానికి కుట్ర పన్నారని.. వారి నుంచి ప్రాణహాని ఉందని బాధిత కుటుంబసభ్యులు వివరించారు. ఈ సందర్భంగా గువ్వల మాట్లాడుతూ కుటుంబానికి అండగా ఉంటామని, భయపడాల్సిన అవసరం లేదన్నారు. దాడికి పాల్పడిన వారిని శిక్షించే వరకు వదిలిపెట్టమని వారికి భరోసానిచ్చారు.