జూరాలకు తగ్గుతున్న వరద

జూరాల ప్రాజెక్టుకు వరద తగ్గుముఖం ప ట్టింది. మధ్యాహ్నం వరకు 29గేట్లు ఎత్తి దిగువకు 1,93,430 క్యూసెక్కుల నీటిని విడుదల చేయగా సాయంత్రం వరద తగ్గుముఖం పట్టడంతో 21గేట్లు ఎత్తి దిగువకు 1,38,495 క్యూసెక్కుల నీటిని విడుదల చేశారు.

• 21గేట్లు ఎత్తి దిగువకు నీటి విడుదల
• ఇన్‌ఫ్లో 1,73,000, అవుట్‌ ఫ్లో 1,71,735 క్యూసెక్కులు

గద్వాల, ఆగస్టు 8 : జూరాల ప్రాజెక్టుకు వరద తగ్గుముఖం ప ట్టింది. మధ్యాహ్నం వరకు 29గేట్లు ఎత్తి దిగువకు 1,93,430 క్యూసెక్కుల నీటిని విడుదల చేయగా సాయంత్రం వరద తగ్గుముఖం పట్టడంతో 21గేట్లు ఎత్తి దిగువకు 1,38,495 క్యూసెక్కుల నీటిని విడుదల చేశారు. శనివారం జూరాలకు ఎగువ నుంచి 1,73,000క్యూసెక్కుల వరద వచ్చి చేరుతుండగా విద్యుదుత్పత్తికి 29,525 క్యూసెక్కుల నీటిని వినియోగిస్తున్నా రు.

జూరాల పూర్తిస్థాయి నీటిమట్టం 318.516 మీటర్లు కాగా ప్రస్తుతం 317.31 మీటర్లు ఉంది. జూరాల పూర్తిస్థాయి నీటిమట్టం 9.657 టీఎంసీలు కాగా ప్రస్తుతం 7.297 టీఎంసీల నీరు నిల్వ ఉంది. జూరాలకు మొత్తం ఇన్‌ఫ్లో 1,73,000క్యూసెక్కులు కాగా అవుట్‌ ఫ్లో 1,71,735 క్యూసెక్కులు ఉంది. ఎగువన ఉన్న అల్మట్టి, నారాయణపూర్‌ల నుంచి వరద ఎక్కువగా వస్తే రాత్రికి జూరాల ప్రాజెక్టు మరిన్ని గేట్లు ఎత్తే అవకాశం ఉందని డ్యామ్‌ అధికారులు తెలిపారు.