నేషనల్ అండర్- 17క్రికెట్‌కు ఎంపికైన విద్యార్థిని సన్మానించిన నిరంజన్ రెడ్డి

జమ్మూ అండ్ కాశ్మీర్‌లో జరగనున్న నేషనల్ అండర్ -17క్రికెట్‌కు ఇండియా తరపున ఎంపికైన యువ క్రీడాకారిణి ఆర్.కిణీషా( khinisha) ను నిరంజన్ రెడ్డి వారి స్వగృహంలో సన్మానించి అభినందించారు.

వనపర్తి : జమ్మూ అండ్ కాశ్మీర్‌లో జరగనున్న నేషనల్ అండర్ -17క్రికెట్‌కు ఇండియా తరపున ఎంపికైన యువ క్రీడాకారిణి ఆర్.కిణీషా( khinisha) ను నిరంజన్ రెడ్డి వారి స్వగృహంలో సన్మానించి అభినందించారు.
ఈ సందర్భంగా ఆయన మాట్లాడుతూ.. వనపర్తిలోని చాణక్య హై స్కూల్ నుండి స్కూల్ గేమ్స్ ఫెడరేషన్ ఆఫ్ ఇండియా తరపున నేషనల్ క్రికెట్ కు పదవ తరగతి విద్యార్థిని కిణీషా ఎంపిక కావడం అభినందనీయం అని అన్నారు.

తల్లిదండ్రులు చదువుతో పాటు తమ పిల్లలకు ఆసక్తి ఉన్న క్రీడలలో ప్రోత్సహించడం ద్వారా వాళ్ల ప్రావీణ్యత చాటి ఉన్నత స్థానాలకు చేరుకొని మన ప్రాంతానికి దేశానికి కీర్తిప్రతిష్టలు తెస్తారని అన్నారు.
ఆర్.కిణీషా ను కోచింగ్ ఇచ్చిన రాంబాబు, కృష్ణలతో పాటు తల్లిదండ్రులు కరుణశ్రీ మహేశ్వర్ రెడ్డిలను అభినందించారు. ఈ కార్యక్రమంలో వాకిటి శ్రీధర్, బాలిశ్వర్ రెడ్డి, చిట్యాల రాము ఉన్నారు.