ఎలివేటెడ్‌ కారిడార్‌పై ప్రాథమిక సాంకేతిక పరిశీలన
మండలంలోని మన్ననూర్‌-శ్రీశైలం మార్గంలో ప్రతిపాదిత ఎలివేటెడ్‌ కారిడార్‌కు సంబంధించిన ప్రాథమిక సాంకేతిక పరిశీలనకు నేషనల్‌ హైవేస్‌ అథారిటీ ఆఫ్‌ ఇండియా(ఎన్‌హెచ్‌ఏఐ) అధికారులు , వైల్డ్‌లైఫ్‌ ఇన్‌స్టిట్యూట్‌ ఆఫ్‌ ఇండియా(డబ్ల్యూఐఐ)కు చెందిన సాంకేతిక నిపుణులు బుధవారం వచ్చి అమ్రాబాద్‌ టైగర్‌ రిజర్వును సందర్శించారు.
అమ్రాబాద్‌, ఆగస్టు 5 : మండలంలోని మన్ననూర్‌-శ్రీశైలం మార్గంలో ప్రతిపాదిత ఎలివేటెడ్‌ కారిడార్‌కు సంబంధించిన ప్రాథమిక సాంకేతిక పరిశీలనకు నేషనల్‌ హైవేస్‌ అథారిటీ ఆఫ్‌ ఇండియా(ఎన్‌హెచ్‌ఏఐ) అధికారులు , వైల్డ్‌లైఫ్‌ ఇన్‌స్టిట్యూట్‌ ఆఫ్‌ ఇండియా(డబ్ల్యూఐఐ)కు చెందిన సాంకేతిక నిపుణులు బుధవారం వచ్చి అమ్రాబాద్‌ టైగర్‌ రిజర్వును సందర్శించారు. ఈ సందర్భంగా డీఎఫ్‌వో రేవంత్‌చంద్ర ఆధ్వర్యంలో దో మలపెంటలో సమావేశం ఏర్పాటుచేశారు.
అనుమతుల మేరకు ప్రతిపాదిత ఎలివేటెడ్‌ కారిడార్‌ అలైన్‌మెంట్‌ లేఅవుట్‌ వెం ట ప్రాథమిక సర్వే, ప్రతిపాదిత కారిడార్‌ నిర్మాణం వల్ల వన్యప్రాణులు వాటి ఆవాసాలపై కలిగే ప్రభావాలను అంచనావేయడంతోపాటు ఎంత మేరకు అటవీ భూమి మళ్లింపునకు గురయ్యే అవకాశం ఉందనే అంశాలపై చర్చలు జరిపినట్లు డీఎఫ్‌వో తెలిపారు. కారిడార్‌ నిర్మాణ సమయంలో , నిర్మాణ అనంతరం వన్యప్రాణుల సంచారం, ఆవాసాలు, జీవవైవి ధ్యం , పర్యావరణ వ్యవస్థపై కలిగే ప్రభావాలను శాస్త్రీయంగా అధ్యయనం చేయాల్సిన అవసరం ఉందని సమావేశంలో చర్చించినట్లు ఆయన తెలిపారు. కార్యక్రమంలో ఎన్‌హెచ్‌ఏఐ అధికారులు, డబ్ల్యూఐఐ సాంకేతిక నిపుణులు, ఏటీఆర్‌కు చెందిన క్షేత్రస్థాయి అధికారులు పాల్గొన్నారు.
Read Today's Latest Mahabubnagar News in Telugu and Telugu News
- Follow Us :
-
