Farmers Protest | విద్యుత్ సిబ్బంది పట్టించుకోవడం లేదు.. కరెంటు కోసం రైతుల రాస్తారోకో

Farmers Protest | గత 3 రోజులుగా రైతుల పంట పొలాలకు సక్రమంగా కరెంటు రావడం లేదని మంగళవారం నాగర్‌ కర్నూల్ జిల్లా బిజినేపల్లి మండలంలోని మహదేవుని పేట గ్రామంలో గల ప్రధాన రహదారిపై రైతులు రాస్తారోకో చేశారు.

Farmers Protest | Nagarkurnool , అక్టోబర్ 13: కాంగ్రెస్ సర్కార్ పాలనలో అన్నదాతలకు ఓ వైపు సాగునీరు లేక, మరోవైపు కరెంట్ కోతలతో నిత్యం ఇబ్బందులు తప్పడం లేదు.. కరెంట్‌ కోతలకు నిరసనగా రాష్ట్రవ్యాప్తంగా సబ్‌ స్టేషన్లను ముట్టడిస్తూ రేవంత్‌సర్కార్‌ తీరుకు వ్యతిరేకంగా ఆందోళన చేపడుతున్నారు.

గత 3 రోజులుగా రైతుల పంట పొలాలకు సక్రమంగా కరెంటు రావడం లేదని మంగళవారం నాగర్‌ కర్నూల్ జిల్లా బిజినేపల్లి మండలంలోని మహదేవుని పేట గ్రామంలో గల ప్రధాన రహదారిపై రైతులు రాస్తారోకో చేశారు. ఖరీఫ్ సీజన్‌లో వేలాది రూపాయలు పెట్టుబడి పెట్టి పంటలను సాగు చేయడం జరిగిందన్నారు. ప్రధానంగా మొక్కజొన్న, పత్తి, వరి మినుము తదితర పంటలను సాగు చేయడం జరిగిందన్నారు.

పంటలు చేతికి వచ్చే దశలో తరచూ విద్యుత్ అంతరాయం ఏర్పడుతుందని ఆవేదన వ్యక్తం చేశారు. వచ్చిన కొద్దిపాటి గంటల కరెంటు కూడా లో వోల్టేజ్ తో రావడం జరుగుతుందన్నారు. దీంతో పంటలకు సరైన నీరు అందడం లేదని ఆందోళన చేశారు. కరెంటు విషయంలో స్థానిక విద్యుత్ సిబ్బందికి విన్నవించిన పట్టించుకోవడంలేదని అన్నారు. తాము సాగు చేసిన పంటను కాపాడుకోవాలని ఉద్దేశంతోనే ఈ నిరసన కార్యక్రమం చేపట్టడం జరిగిందన్నారు. విషయం తెలుసుకున్న పోలీసులు, విద్యుత్ శాఖ అధికారులు ఘటన స్థలానికి చేరుకుని రైతులకు నచ్చ చెప్పడంతో రైతుల ఆందోళన విరమించారు.

Read Also :

Bathukamma Celebrations | దుబాయ్‌లో GTF ఆధ్వర్యంలో అంగరంగ వైభవంగా బతుకమ్మ సంబరాలు.. ఫొటోలు

Congress | కాంగ్రెస్‌ ప్రభుత్వం రైతుల భూములను బలవంతంగా లాక్కుంటున్నది : సబితా ఇంద్రా రెడ్డి

Train | డిసెంబర్ 4న విజయ్ సేతుపతి ‘ట్రైన్’.. నితిన్, నాగచైతన్య సినిమాలకు గట్టి పోటీ!