ఆత్మగౌరవ పతాక

దళితులంటే...... పాకీలుగా పారిశుద్ధ్య పరిరక్షకులుగా పాలేర్లుగా పని పిల్లలుగా కర్మ సిద్ధాంతపు కోరల్లో చిక్కుకొని మనువాదపు మకిలిని మోస్తూ

దళితులంటే……
పాకీలుగా పారిశుద్ధ్య పరిరక్షకులుగా
పాలేర్లుగా పని పిల్లలుగా
కర్మ సిద్ధాంతపు కోరల్లో చిక్కుకొని
మనువాదపు మకిలిని మోస్తూ
కట్టు బానిసలుగా కాలాన్ని వెల్లదీస్తు
కలలు చిద్రమై బతుకు భారమై
అవమానాల అగ్నిగుండంలో హాహాకారాలు చేస్తున్న
కడగొట్టు బిడ్డల కష్టాలు తీర్చగా
దళిత బంధు తోటి బతుకుబాటను చూపి
ప్రగతి పథానికై పది లక్షలందించి
అర్హులైన వారి అభిరుచులను బట్టి
వెలివాడలందున వెలియంగా పరిశ్రమలు
పెట్టి చాకిరి మాని యజమానిగా మారి
ఆర్థిక స్వాలంబనతో ముందడుగు లేస్తూ
తమ అభివృద్ధిని తామే అమితానందంగా
నిర్వచించుకునే దిశగా చైతన్యమై సాగిపోతూ
ఉత్పత్తిలో భాగస్వాములై ఉరకలు వేస్తూ
సాధికారతను సాధిస్తూ సంఘటితమై
తరతరాల అంధకార బంధనాలను తెంచుకొని
విద్యా దీపులై ప్రజ్వలిస్తూ
ఆత్మగౌరవ పతాకలై అవరోధాలను దాటుతున్నారంటే
నేటి తెలంగాణ పాలికల పథకాల ఫలితం
కాదని ఎలా చెప్పగలం….!!

Dr. Thallapalli Yakamma– డాక్టర్ తాళ్లపల్లి యాకమ్మ
ఇంటి నం : 1 – 6 – 64
గుమ్ముడూర్ బజార్
మహబూబాబాద్ జిల్లా
ఫిన్ నం : 506101
తెలంగాణ రాష్ట్రం
ఫోన్ : 9704226681
Mail : thallapalliyakamma@gmail.com