కొమ్మలకు కొత్త ఆకులు

ప్రతి చెట్టుకు ఆకులు రాలుతాయి ఆకులు రాలిపోయినంత మాత్రాన చెట్టు మొండి మానవుతుందా..?

January 5, 2024 / 03:16 AM IST

ప్రతి చెట్టుకు ఆకులు రాలుతాయి
ఆకులు రాలిపోయినంత మాత్రాన
చెట్టు మొండి మానవుతుందా..?
మానులో బలమున్నంతవరకు
మండలు చిగురిస్తూనే ఉంటాయి
కొమ్మలకు కొత్త ఆకులు
పుడుతూనే ఉంటాయి
అది ప్రకృతి ఆనవాయితీ
ఆకు రాలడం ఆకు చిగురించడం
మాను మతి తప్పదు
కొత్త చిగురు తొడిగిస్తుంది
పాత ఆకు రాలితే
కొత్త ఆకు పుడుతుంది
కొత్తది, పాతవుతుంది
పాతది, కొత్తగవుతుంది
పండుటాకు రాలితే పసరాకు నవ్వుతుంది
పసరాకు పండుదై రాలుతానని
యాదిమరిచి అది నవ్వుతుంది!