Visit:
బహుముఖ ప్రజ్ఞాశాలి, సాహితీ శిఖరం ఆచార్య కొలకలూరి ఇనాక్‌కు 2025 నవంబర్‌ 30వ తేదీన గురజాడ సాహిత్య సంఘం, విజయనగరం ‘గురజాడ విశిష్ట సాహిత్య పురస్కారం’ ప్రదానం చేసింది. దాదాపు ఆరు దశాబ్దాల సాహితీ ప్రస్థానంలో ఆచార్య ఇనాక్‌ ఎన్నో సాహితీ ప్రక్రియలను స్పృశించారు. ఇనాక్‌ మార్గదర్శనంలో 24 మంది పీహెచ్‌డీలు, 18 మంది ఎంఫిల్‌ పరిశోధనలు నిర్వహించారు.
గతంలో ఆచార్య సినారె, గొల్లపూడి వంటి సాహితీమూర్తులు, గుమ్మడి, అంజలీదేవి, కళా తపస్వి కె.విశ్వనాథ్‌ వంటి కళామూర్తులకు, సుద్దాల అశోకతేజ, చంద్రబోస్‌ వంటి గేయ రచయితలు, చాగంటి కోటేశ్వరరావు, గరికపాటి నరసింహారావు వంటి మేటి ప్రవచనకారులకు ప్రదానం చేసిన ఈ కమిటీ బహుముఖ సేవలందించిన ఆచార్య ఇనాక్‌ను ఈ పురస్కారానికి ఎంపిక చేయడం గురజాడ తాత్విక దృక్పథాన్ని సమున్నత స్థాయికి తీసుకువెళ్లడమే.
