‘స్ట్రా’తో స్ట్రాంగ్‌గా..

వేసవిలో ఏదైనా చల్లచల్లగా తాగేందుకే ఇష్టపడతారు. జ్యూస్‌లోనైనా, మజ్జిగలోనైనా రెండుమూడు ఐస్‌ ముక్కలు వేసుకొని మరీ లాగించేస్తుంటారు. ఇక కూల్‌డ్రింక్స్‌ సరేసరి. ఇలా చల్లని పానీయాలు.. పళ్లను బలహీనపరుస్తాయని డెంటిస్ట్‌లు హెచ్చరిస్తున్నారు.

వేసవిలో ఏదైనా చల్లచల్లగా తాగేందుకే ఇష్టపడతారు. జ్యూస్‌లోనైనా, మజ్జిగలోనైనా రెండుమూడు ఐస్‌ ముక్కలు వేసుకొని మరీ లాగించేస్తుంటారు. ఇక కూల్‌డ్రింక్స్‌ సరేసరి. ఇలా చల్లని పానీయాలు.. పళ్లను బలహీనపరుస్తాయని డెంటిస్ట్‌లు హెచ్చరిస్తున్నారు. ఒక్క ‘స్ట్రా’ సాయం తీసుకుంటే.. దంతాలను ‘స్ట్రాంగ్‌’గా ఉంచుకోవచ్చని చెబుతున్నారు. ఇష్టంగా తాగే పానీయాలను ఆస్వాదిస్తూనే.. దంతాలను రక్షించుకోవడంలో ‘స్ట్రా’ ముందుంటుందనీ అంటున్నారు.

ఎన్నో ప్రయోజనాలు..

• పీహెచ్‌ స్థాయులు నాలుగు (పీహెచ్‌4) కన్నా తక్కువగా ఉండే ఏ పదార్థమైనా దంతాలపై ఉండే ఎనామిల్‌ను దెబ్బతీస్తుంది. దీర్ఘకాలంలో పళ్లకు తీవ్ర నష్టం చేకూరుతుంది. ‘స్ట్రా’ సాయంతో ఈ సమస్యకు చెక్‌ పెట్టొచ్చు.
• కూల్‌డ్రింక్స్‌లో ఉండే కొన్ని రసాయనాలు పళ్ల రంగును మార్చేస్తాయి. ‘స్ట్రా’తో తాగితే.. ఆ ఇబ్బంది ఉండదు.
• దంత సమస్యలు ఉన్నవారు చల్లని పదార్థాలు తీసుకుంటే.. జివ్వుమని లాగుతాయి. అదే ‘స్ట్రా’తో సాఫీగా తాగేయొచ్చు.
• నిమ్మరసం, ఆమ్ల లక్షణాలు ఉండే ఇతర పానీయాలు నేరుగా తాగితే పళ్లు దెబ్బతింటాయి. ఆ తర్వాత ఏది తిన్నా నొప్పిగా అనిపిస్తాయి. ‘స్ట్రా’ ఉపయోగిస్తే.. ఇలాంటి ఇబ్బందులు దూరమవుతాయి.
• స్ట్రా వాడకం.. పళ్లు పుచ్చిపోవడాన్నీ తగ్గిస్తుంది.