Curd vs Butter Milk | వేసవిలో ఏది తాగితే మంచిది? పెరుగా?! మజ్జిగా?!

Curd vs Butter Milk | వేసవిలో తప్పకుండా తీసుకోవాల్సిన వాటిలో పెరుగు, మజ్జిగ ముందుంటాయి. మండే ఎండల్లో ఈ రెండూ ఆరోగ్యానికి ఎంతో మేలుచేస్తాయి.

Curd vs Butter Milk | వేసవిలో తప్పకుండా తీసుకోవాల్సిన వాటిలో పెరుగు, మజ్జిగ ముందుంటాయి. మండే ఎండల్లో ఈ రెండూ ఆరోగ్యానికి ఎంతో మేలుచేస్తాయి. అయితే, సందర్భాన్ని బట్టి వీటిలో ఏది తీసుకోవాలో నిపుణులు సలహా ఇస్తున్నారు.

మజ్జిగ..

• డీహైడ్రేషన్‌ను నివారించడంలో మజ్జిగ ముందుంటుంది. ఇందులో దాదాపు 90 శాతం నీరు ఉంటుంది. ఎండల వల్ల శరీరం కోల్పోయే నీటి శాతాన్ని ఇది భర్తీ చేస్తుంది.
• ఎసిడిటీ సమస్యలు ఉన్నవారికి మజ్జిగ మంచి ఎంపిక.
• మజ్జిగలో కొవ్వు శాతం తక్కువ. కాబట్టి, దీన్ని తీసుకుంటే జీర్ణవ్యవస్థపై భారం పడదు. భోజనం తర్వాత మజ్జిగ తాగితే అజీర్ణం, గ్యాస్‌ సమస్యలు రాకుండా ఉంటాయి.
• ఎండలు ఎక్కువగా ఉన్నప్పుడు శరీరం త్వరగా చల్లబడాలంటే.. మజ్జిగ తాగడమే మంచిది.
• ఎండ వల్ల వచ్చే నీరసాన్ని తగ్గించడంలో మజ్జిగలో ఉండే క్యాల్షియం, పొటాషియం, విటమిన్లు సాయపడతాయి.

పెరుగు..

• పెరుగులో ప్రొటీన్లు, కొవ్వులు ఎక్కువ. అధిక శక్తి కావాలనుకునే వారు, బరువు పెరగాలనుకునే వారికి ఉపయోగం.
• పరగడుపున పెరుగు తీసుకోవడం వల్ల కడుపులో మంట తగ్గుతుంది.
• రాత్రిపూట పెరుగు తీసుకోవద్దని ఆయుర్వేదం చెబుతున్నది. అలాచేస్తే వేసవిలో కూడా కఫం పెరిగే అవకాశం ఉంటుంది.