రైస్‌ వాటర్‌తో నైస్‌గా..

అందాన్ని కాపాడుకోవడానికి కొందరు పడరానిపాట్లు పడుతుంటారు. బ్యూటీ పార్లర్లు, సౌందర్య ఉత్పత్తులు అంటూ ఖాతాలను ఖాళీ చేసుకుంటారు. అయితే, రూపాయి ఖర్చులేకుండా.. రైస్‌ వాటర్‌తో నైస్‌గా కనిపించొచ్చు. బియ్యం కడిగిన నీళ్లలో అనేక పోషకాలు, ఖనిజాలతోపాటు యాంటి ఆక్సిడెంట్లు ఉంటాయి. ఇవి చర్మ ఆరోగ్యాన్ని పరిరక్షిస్తాయి.

అందాన్ని కాపాడుకోవడానికి కొందరు పడరానిపాట్లు పడుతుంటారు. బ్యూటీ పార్లర్లు, సౌందర్య ఉత్పత్తులు అంటూ ఖాతాలను ఖాళీ చేసుకుంటారు. అయితే, రూపాయి ఖర్చులేకుండా.. రైస్‌ వాటర్‌తో నైస్‌గా కనిపించొచ్చు. బియ్యం కడిగిన నీళ్లలో అనేక పోషకాలు, ఖనిజాలతోపాటు యాంటి ఆక్సిడెంట్లు ఉంటాయి. ఇవి చర్మ ఆరోగ్యాన్ని పరిరక్షిస్తాయి.

• బియ్యం కడిగిన నీళ్లలో ఉండే విటమిన్‌ బి.. చర్మాన్ని కాంతిమంతంగా మారుస్తుంది. ఇందులోని యాంటి ఆక్సిడెంట్లు.. చర్మంలోని మృతకణాలను తొలగించడంతోపాటు కొత్త కణాల పెరుగుదలను ప్రోత్సహిస్తాయి.
• రైస్‌ వాటర్‌ను నిత్యం ఉపయోగించడం వల్ల చర్మంపై మొటిమలు, నల్ల మచ్చలు తగ్గుముఖం పడతాయి. చర్మం మృదువుగా, తేజోవంతంగా మారుతుంది.
• బియ్యం నీటిలో ఉండే ఫెరులిక్‌ యాసిడ్‌.. చర్మం ముడతలు పడకుండా చూస్తుంది. వృద్ధాప్య లక్షణాలను తగ్గిస్తుంది.
• చర్మంలో తేమను కాపాడటంలో బియ్యం నీళ్లు సాయపడుతాయి. ఇందులోని అమైనో ఆమ్లాలు, యాంటి ఆక్సిడెంట్లు.. చర్మం పొడిబారకుండా చేస్తాయి.
• బియ్యం నీటిని ఫేషియల్‌ టోనర్‌గానూ ఉపయోగించవచ్చు. దీనివల్ల చర్మం కోమలంగా తయారవుతుంది.
• జుట్టు ఆరోగ్యాన్ని కాపాడటంలోనూ బియ్యం నీళ్లు సమర్థంగా పనిచేస్తాయి. బియ్యం నీటితో జుట్టును శుభ్రం చేసుకుంటే.. కేశాలకు కొత్త మెరుపు రావడంతోపాటు జుట్టు రాలడం కూడా తగ్గుతుంది.