ఆ బాధ నుంచి బయటపడితే.. బ్రేకప్‌ అయినా బేఫికర్‌గా బతికేయొచ్చు!

ప్రేమలో ఉన్నప్పుడు.. సమయమంతా సంతోషంగా సాగిపోతుంది. చాటింగులు-డేటింగులు, ముద్దులు-ముచ్చట్లు, సినిమాలు-షికార్లు అంటూ.. ఆకాశమే హద్దుగా పరుగులు పెడుతుంది. మరి బ్రేకప్‌ అయితే.. కాలం ఒక్కసారిగా ఆగిపోతుంది.

ప్రేమలో ఉన్నప్పుడు.. సమయమంతా సంతోషంగా సాగిపోతుంది. చాటింగులు-డేటింగులు, ముద్దులు-ముచ్చట్లు, సినిమాలు-షికార్లు అంటూ.. ఆకాశమే హద్దుగా పరుగులు పెడుతుంది. మరి బ్రేకప్‌ అయితే.. కాలం ఒక్కసారిగా ఆగిపోతుంది. మనసు ముక్కలై.. కుంగుబాటు ఆవహిస్తుంది. అయితే, ఆ బాధ నుంచి బయటపడితే.. తర్వాతి జీవితం మరింత మధురంగా ఉంటుంది. బ్రేకప్‌ అయినా.. బేఫికర్‌గా బతికే ఆత్మవిశ్వాసాన్ని అందిస్తుంది.

• కొందరంతే.. భాగస్వామిని ఆంక్షల వలలో బంధిస్తారు. మీ పార్ట్‌నర్‌ కూడా అంతేనా! అయితే, మీకు బ్రేకప్‌తో స్వాతంత్య్రం వచ్చేసినట్టే! అప్పటివరకూ మీ భాగస్వామికి నచ్చినట్టుగానే నడుచుకొని ఉంటారు. ఇక వారి ఇష్టాయిష్టాలతో పనిలేదు. స్వేచ్ఛగా జీవించే అవకాశం దొరుకుతుంది. ఏ విషయంలోనైనా సొంత నిర్ణయాలు తీసుకుంటారు.
• భాగస్వామితో విడిపోయినప్పుడు కొందరు ఒంటరిగా ఉండిపోతారు. ఎవ్వరినీ కలవరు.. మాట్లాడరు. అలాంటి సమయంలోనే వారిలో ‘సెల్ఫ్‌ లవ్‌’ పెరుగుతుంది. అంటే.. వారిపై వారికే ప్రేమ పుడుతుంది. జీవితంలో మరింతగా ఎదగాలన్న ఆకాంక్ష, తనను వదిలేసిన వ్యక్తికి తానేంటో చూపించాలన్న కసి మొదలవుతుంది. ఇలాంటి సమయంలో ఏదైనా లక్ష్యాన్ని ఎంచుకుని ప్రయత్నిస్తే.. తప్పకుండా విజయం సాధిస్తారు.

అందుకే.. బ్రేకప్‌ అయ్యిందని బాధలో మునిగిపోకండి. గోడకు కొట్టిన బంతిలా.. తిరిగి పుంజుకోండి. బంగారంలాంటి భవిష్యత్తును నిర్మించుకోండి.