రాత్రిపూట.. రంగుల చిలుకలు!

చెట్టూచేమల మీద పక్షుల సందడి చూడాలంటే మంచు కురిసే వేళకంతా నిద్ర లేవాల్సిందే. అయితే మలిసంధ్యలోనూ ఆ అందాలను ఆస్వాదించాలని ఆశించే వారి కోసం హమ్మింగ్‌ బర్డ్‌ సోలార్‌ హ్యాంగింగ్‌ లైట్లు వచ్చాయి

చెట్టూచేమల మీద పక్షుల సందడి చూడాలంటే మంచు కురిసే వేళకంతా నిద్ర లేవాల్సిందే. అయితే మలిసంధ్యలోనూ ఆ అందాలను ఆస్వాదించాలని ఆశించే వారి కోసం హమ్మింగ్‌ బర్డ్‌ సోలార్‌ హ్యాంగింగ్‌ లైట్లు వచ్చాయి. ఇందులో హమ్మింగ్‌ బర్డ్‌ను పోలిన విద్యుత్‌ దీపాలు సోలార్‌ ప్యానెల్‌ పైభాగాన వేలాడుతూ ఉంటాయి.

పక్షుల బొమ్మల్లో రంగులు మారే ఎల్‌యీడీలూ ఉంటాయి. పగటిపూట సూర్యరశ్మికి ఈ సోలార్‌ ప్యానెల్‌ చార్జింగ్‌ అవుతుంది. దీంతో, చీకటి పడగానే పక్షుల బొమ్మల్లోని లైట్లు వాటంతట అవే వెలుగుతాయి. అంతేకాదు, నెమ్మదిగా రంగులు మారుతూ పరిసరాలకు వన్నె తెస్తాయి. ఎండావానలకు తట్టుకోగలిగే ఈ లైట్లకు విద్యుత్‌ సరఫరా అవసరం లేదు. పెరడు, బాల్కనీ, లివింగ్‌రూమ్‌, బెడ్‌రూమ్‌.. ఎక్కడైనా వేలాడదీసుకోవచ్చు. మసకచీకటి వేళ వెలుగులు విరజిమ్మే పక్షుల్ని చూస్తూ ఆనందించొచ్చు!