మొరం గడ్డ.. స్వీట్‌ పొటాటో.. పేరు ఏదైతేనేమీ.. ప్రయోజనాలు ఎన్నో

మొరంగడ్డ, కందగడ్డ, చిలగడ దుంప, స్వీట్‌ పొటాటో.. ఇలా ఒక్కో ప్రాంతంలో ఒక్కోలా పిలుస్తారు. పేరు ఏదైనా, ఆహారప్రియులకు ఎంతో ప్రీతికరమైన దుంపలివి. వీటి వల్ల ఆరోగ్య ప్రయోజనాలు అపారం..

• చిలగడ దుంపల్లో శరీరానికి మేలు చేసే విటమిన్‌ – సి, ఇ, బి-6, బీటా కెరోటిన్‌, పొటాషియం, ఐరన్‌, మినరల్స్‌ ఎక్కువగా ఉంటాయి. ఇవి శరీరంలో కణాల సామర్థ్యాన్ని పెంచి అన్ని భాగాల్లో ఆక్సిజన్‌ సరఫరాకు సహకరిస్తాయి.
• ఈ దుంపల్లోని పోషకాలు తెల్ల రక్తకణాల ఉత్పత్తిలో ప్రధాన పాత్ర పోషిస్తాయి. తద్వారా రోగ నిరోధక శక్తి పెరుగుతుంది. విటమిన్‌-సి శీతకాలంలో వచ్చే జలుబు, ఫ్లూ వంటి సమస్యల నుంచి దూరంగా ఉంచుతుంది. 
• మధుమేహ బాధితులు కూడా వైద్యుల సలహాతో పరిమితంగా తినొచ్చు. దుంప తియ్యగానే ఉన్నా చక్కెరను నియంత్రిస్తుంది.
• చిలగడ దుంపలకు క్యాన్సర్‌తో పోరాడే గుణం ఉంది. వీటిలోని పొటాషియం గుండెకు మేలు చేస్తుంది. మెగ్నీషియం ధమనులకు మంచి చేస్తుంది. 

గాయాలను త్వరగా మాన్పే ప్రత్యేక గుణాలు ఈ దుంపల్లో ఉన్నాయి. వీటిలోని యాంటీ ఆక్సిడెంట్స్‌ శరీరంలోని ఫ్రీ రాడికల్స్‌ను తగ్గించి అకాల వృద్ధాప్యాన్ని నివారిస్తాయి.

చిలగడ దుంపలు చర్మసౌందర్యానికీ ఉపయోగపడతాయి. వీటిని తరచూ తీసుకుంటే చర్మం కాంతివంతంగా మారుతుంది. అంతేకాదు జుట్టు సమస్యలు దరిచేరవు. కంటిచూపు కూడా మెరుగవుతుంది.