Praising Children : పిల్లల్ని అతిగా పొగడకండి.. ఎందుకో తెలిపిన బ్రిటన్‌ అధ్యయనం

Praising Children : తరచుగా తల్లిదండ్రులు తమ పిల్లలను ప్రశంసిస్తుండటం మనం చూస్తుంటాం. వారు ఏదో ఘనత సాధించినట్లుగా వారి పిల్లలు సాధించిన...

October 13, 2021 / 04:50 PM IST

Praising Children : పిల్లల్ని అతిగా పొగడకండి.. ఎందుకో తెలిపిన బ్రిటన్‌ అధ్యయనం

లండన్‌ : (Praising Children) తరచుగా తల్లిదండ్రులు తమ పిల్లలను ప్రశంసిస్తుండటం మనం చూస్తుంటాం. వారు ఏదో ఘనత సాధించినట్లుగా వారి పిల్లలు సాధించిన చిన్నపాటి విజయాన్ని కూడా అతిశయోక్తిగా చెప్పడం కూడా మనం చూసే ఉంటాం. అయితే, పిల్లలను అతిగా ప్రశంసించడం వారి అభివృద్ధిని ప్రతికూలంగా ప్రభావితం చేస్తుంది.

ఎక్కువగా ప్రశంసించడం పిల్లలకు ప్రాణాంతకమే కాకుండా వేధింపులకు గురయ్యేలా చేస్తుందంట. అతిగా పొగడ్తలు అందుకునే చిన్నారులు క్లిష్ట పరిస్థితులను ఎదుర్కోవడంలో విఫలమవుతారంట. ఈ వాస్తవాలను బ్రిటన్‌లోని ఎక్సెటర్ విశ్వవిద్యాలయం అధ్యయనకారులు ఇటీవల నిర్వహించిన పరిశోధనలో వెల్లడయ్యాయి. 4,500 మంది తల్లిదండ్రులు ఈ పరిశోధనలో పాలుపంచుకున్నారు. యూనివర్సిటీ సోషల్ మొబిలిటీ డిపార్ట్‌మెంట్ ఎలియట్ మేజర్ ప్రకారం, సర్వేలో పాల్గొన్న 85 శాతం మంది తల్లిదండ్రులు, తమ పిల్లలను అతిగా ప్రశంసించడం వలన వారి నేర్చుకోవడంపై ప్రతికూల ప్రభావితం చూపినట్లు తెలియదు.

నిజానికి చిన్నారుల్లో పొగడ్త వారిలో సామర్థ్యాన్ని అభివృద్ధి చేస్తుంది. అయితే, ఇదే సమయంలో అతిగా పొగడటం మాత్రం వారి అభివృద్ధికి ఆటంకంగా మారుతుందని పరిశోధకులు వెల్లడిస్తున్నారు. ఎలియట్‌ మేజర్ ప్రకారం, తల్లిదండ్రులు పిల్లల ఎదుట సానుకూల విషయాలను మాట్లాడటం లేదా ప్రశంసిస్తేనే వారిలో సామర్థ్యం పెరుగుతుందని నమ్ముతారు. కానీ అది వారిపై వ్యతిరేక ప్రభావాన్ని చూపుతుందని గుర్తించలేకపోతున్నారు. 18 ఏండ్ల వయసున్న బ్రిటిష్ టెన్నిస్ స్టార్, ఇటీవల యూఎస్‌ ఓపెన్‌ గెలిచిన ఎమ్మా రదుకను తల్లిదండ్రులు ఎక్కువగా ప్రశంసించలేదని ఆమెనే తెలిపింది. ఇవాళ ఎమ్మా ప్రపంచంలోనే అతిపెద్ద టెన్నిస్ స్టార్‌గా నిలిచింది.