బీఎంఐ ఒక్కటే కొలమానం కాదు
బరువు ఎక్కువగా ఉందా? బీఎంఐ ఎంత? సాధారణంగా ఆరోగ్యాన్ని అంచనా వేసేటప్పుడు ఇవే ముందుగా చూస్తాం. కానీ, వయసు పెరిగేకొద్దీ బీఎంఐ ఒక్కటే ఆరోగ్యానికి సరైన కొలమానం కాదని తాజా పరిశోధన ఒకటి చెబుతున్నది. ఇంటర్నేషనల్ జర్నల్ ఆఫ్ ఒబెసిటీలో ఇటీవల ప్రచురితమైన ఈ అధ్యయనం, భారతదేశంలోని 45 ఏండ్లు పైబడిన 60,640 మందికి సంబంధించిన సమాచారాన్ని విశ్లేషించింది. పరిశోధకులు శరీర కొవ్వుతో పాటు వయసు, ఇతర ఆరోగ్య సమస్యలు తదితర అంశాలను పరిగణనలోకి తీసుకున్నారు.
వయసు పెరిగేకొద్దీ శరీర కూర్పులో మార్పులు వస్తాయి. కండర ద్రవ్యరాశి తగ్గడం, కొవ్వు పంపిణీలో మార్పులు వంటి కారణాలతో ఒకే బీఎంఐ ఉన్న ఇద్దరి ఆరోగ్య పరిస్థితులు ఒకేలా ఉండకపోవచ్చు. అందుకే పెద్దవారిలో బరువు, నడుము చుట్టుకొలత, శారీరక సామర్థ్యం, ఇతర అనారోగ్యాలు అన్నిటినీ కలిపి చూడాల్సిన అవసరం ఉందని పరిశోధన సూచిస్తున్నది. ఇక్కడ పరిశోధకులు పెద్దవారిలో అధిక కొవ్వును రెండు రకాలుగా చూశారు- ఇంకా ఇతర ఆరోగ్య సమస్యలు కనిపించని దశ, అలాగే అధిక కొవ్వుతో పాటు ఆరోగ్య సమస్యలు కూడా ఉన్న దశ. అంటే ఒకరి బరువు ఎక్కువగా ఉందనే కారణంతోనే వాళ్ల ఆరోగ్య పరిస్థితిని పూర్తిగా అంచనా వేయలేమన్నమాట. అలా అని, బీఎంఐని పూర్తిగా పక్కన పెట్టాలా? అంటే కాదు. అది ఇప్పటికీ ఉపయోగకరమైన ప్రాథమిక కొలమానమే. అయితే ముఖ్యంగా వయసు పెరిగిన వారిలో దానిని ఒక్కటే ప్రమాణంగా తీసుకోకూడదన్నదే ఈ పరిశోధనలోని ముఖ్యమైన సారాంశం.
Read Today's Latest Lifestyle News in Telugu and Telugu News
- Tags
- BMI
- body fat
- Obesity
- Older adults
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

