అదిరిందమ్మా సైనీ

‘హీరామండీ’తో నెట్‌ఫ్లిక్స్‌లో స్ట్రీమ్‌ అవుతున్న భన్సాలీ సంజయ్‌ ‘లీల’ తరాలకు అతీతంగా అందరి మన్ననలూ అందుకుంటున్నది. ఇందులో అదితీరావ్‌ హైదరీ ధరించిన పాత్రకు, అందులో ఆమె చూపిన అభినయానికి విమర్శకుల ప్రశంసలు అందుతున్నాయి.

‘హీరామండీ’తో నెట్‌ఫ్లిక్స్‌లో స్ట్రీమ్‌ అవుతున్న భన్సాలీ సంజయ్‌ ‘లీల’ తరాలకు అతీతంగా అందరి మన్ననలూ అందుకుంటున్నది. ఇందులో అదితీరావ్‌ హైదరీ ధరించిన పాత్రకు, అందులో ఆమె చూపిన అభినయానికి విమర్శకుల ప్రశంసలు అందుతున్నాయి.

ఈ క్లాసిక్‌ వెబ్‌సిరీస్‌లోని ‘సయ్యా హటో జావో..’ పాటలో అదితి చూపించిన హావభావాలు అదిరిపోయాయి. ఇందులో ఈ భామిని నడకకు యువత ఫిదా అయింది. ఆ పాటను బేస్‌ చేసుకొని వీడియోలు పోస్టు చేస్తూ నెట్టింట వైరల్‌ అవుతున్నారు డిజిటల్‌ క్రియేటర్లు. ఇదే పాటపై 54 ఏండ్ల నీరూ సైనీ చేసిన నృత్య ప్రదర్శన టాక్‌ ఆఫ్‌ ది ఇన్‌స్టాగా నిలిచింది. చండీగఢ్‌కు చెందిన ఈ మహిళ సామాజిక మాధ్యమాల్లో చురుగ్గా ఉంటుంది. తరచూ రీల్స్‌ చేస్తూ ఇన్‌స్టాలో పోస్టు చేస్తుంటుంది. ఆమె ఇన్‌స్టా హ్యాండిల్‌కు దాదాపు 3.90 లక్షల మంది ఫాలోవర్లు ఉన్నారంటే సైనీ స్టార్‌డమ్‌ అర్థం చేసుకోవచ్చు. లేటెస్ట్‌గా అదితిలా గజగామిని నడకతో ఉర్రూతలూగించింది.