న్యూయార్క్ : తీవ్ర అనారోగ్య లక్షణాలను గుర్తించి ఆయా వ్యక్తులను అప్రమత్తం చేయడం ద్వారా యాపిల్ వాచ్ ఎంతోమంది యూజర్ల విలువైన ప్రాణాలను కాపాడిన ఉదంతాలు వెల్లడయ్యాయి. తాజాగా ఓ వ్యక్తి బ్లడ్ ఆక్సిజన్ లెవెల్స్ పడిపోవడంతో పాటు శ్వాస తీసుకునే వేగం పెరగడంతో యాపిల్ వాచ్ సదరు యూజర్ను అలర్ట్ చేసింది. యాపిల్ వాచ్ సకాలంలో స్పందించి తన ప్రాణాన్ని కాపాడిందని, తనకు ఎదురైన అనుభవాన్ని తెలుసుకుని తన స్నేహితులు సైతం యాపిల్ వాచ్ను కొనుగోలు చేశారని కునిహన్ చెప్పుకొచ్చారు.
ఓ రోజు తాను శ్వాస తీసుకునే వేగం అసాధారణంగా పెరగడాన్ని గుర్తించిన యాపిల్ వాచ్ తనను అలర్ట్ చేసిందని, నిమిషానికి ఎన్నిసార్లు శ్వాస తీసుకుంటున్నామనేది యాపిల్ వాచ్లో రెస్పిరేటరీ రేట్ వెల్లడిస్తుందని చెప్పారు. వాచ్ హెల్త్ ట్రెండ్స్ సెక్షన్లో తన ఆరోగ్య పరిస్ధితి గురించి నోటిఫై చేయగా కుటుంబ సభ్యుల సూచనతో ఆస్పత్రిలో చేరానని తెలిపారు. ఆస్పత్రిలో తనకు ఎక్స్రే తీసి బ్రాంకైటిస్కు మందులు ఇచ్చారని కునిహన తెలిపారు. ఇక అదేరోజు తన బ్లడ్ ఆక్సిజన్ లెవెల్స్ పడిపోతున్నాయని యాపిల్ వాచ్ మరో అలర్ట్ పంపిందని ఆపై ఇతర వివరాలను పరిశీలించిన మీదట వైద్యులు సీటీ స్కాన్ చేయాలని సూచించారని గుర్తుచేసుకున్నారు.
సీటీ స్కాన్ రిపోర్ట్ ప్రకారం అతడి లంగ్స్ అంతటా రక్తం గడ్డకట్టినట్టు వెల్లడైంది. దీంతో కునిహన్కు వైద్యులు రక్తాన్ని పలుచన చేసే మందులు ఇచ్చారు. ఈ పరిస్ధితిలో తనను యాపిల్ వాచ్ కాపాడిందని, తన శరీరంలో మార్పులను గుర్తించకుంటే తనకు ప్రాణాపాయం ముంచుకొచ్చేదని కునిహన్ పేర్కొన్నారు. తాను ఆరాత్రి మేలుకుని వైద్యులను సంప్రదించకుంటే మరుసటి రోజు నిద్ర లేచేవాడిని కాదని అన్నారు.
Read More :
Health Tips | నిత్యం ఆ పని చేస్తే అనారోగ్యం దరిచేరదట.. ఉల్లాసం ఉరకలేస్తుందట..!
Health Tips | మలబద్ధకం సమస్యతో సతమతమవుతున్నారా.. అయితే ఈ పండు మీకు చక్కటి పరిష్కారం..!