ఇంకానా.. వివక్ష!

సామాజిక, ఆర్థిక, రాజకీయ కోణాలలో మహిళల ప్రగతిని విశ్లేషిస్తుంది.. జెండర్‌ సోషల్‌ నామ్స్‌ ఇండెక్స్‌ (జీఎస్‌ఎన్‌ఐ). ఆ సంస్థ తాజా నివేదికలోని గణాంకాలు ఏమాత్రం ఆశాజనకంగా లేవు. దాదాపు ఐదేండ్ల నాటి పరిస్థితులే ఇప్పుడూ రాజ్యమేలుతున్నాయి. కార్పొరేట్‌ బోర్డ్‌రూమ్‌ నుంచి పంచాయతీ ఆఫీసు వరకూ స్త్రీల పట్ల చిన్నచూపే. ప్రపంచ జనాభాలో సగానికిపైగా ఉన్నా .. నాయకత్వ స్థానాల్లో మాత్రం ఇరవై ఎనిమిది శాతానికి మించడం లేదు. శ్రమ ఒకటే. పారితోషికం మాత్రం అతనికంటే తక్కువ.

సామాజిక, ఆర్థిక, రాజకీయ కోణాలలో మహిళల ప్రగతిని విశ్లేషిస్తుంది.. జెండర్‌ సోషల్‌ నామ్స్‌ ఇండెక్స్‌ (జీఎస్‌ఎన్‌ఐ). ఆ సంస్థ తాజా నివేదికలోని గణాంకాలు ఏమాత్రం ఆశాజనకంగా లేవు. దాదాపు ఐదేండ్ల నాటి పరిస్థితులే ఇప్పుడూ రాజ్యమేలుతున్నాయి. కార్పొరేట్‌ బోర్డ్‌రూమ్‌ నుంచి పంచాయతీ ఆఫీసు వరకూ స్త్రీల పట్ల చిన్నచూపే. ప్రపంచ జనాభాలో సగానికిపైగా ఉన్నా .. నాయకత్వ స్థానాల్లో మాత్రం ఇరవై ఎనిమిది శాతానికి మించడం లేదు. శ్రమ ఒకటే. పారితోషికం మాత్రం అతనికంటే తక్కువ. ఈ అంతరం తగ్గిపోవడానికి ఇంకో 130 సంవత్సరాలు పడుతుందని అంచనా. మహిళా సాధికారత విషయానికొస్తే.. 146 దేశాల జాబితాలో భారత్‌ 127వ స్థానంలో ఉంది. అంతేకాదు..

• ప్రతి పదిమంది మగవాళ్లలో తొమ్మిదిమందికి మహిళలంటే చులకన.
• ప్రతి ఐదుమందిలో ఇద్దరు మగవాళ్లు మహిళలకు నాయకత్వ లక్షణాలు లేవని బలంగా నమ్ముతారు.
• దేశాధినేతలుగా పదకొండు శాతం, ప్రభుత్వాధినేతలుగా తొమ్మిది శాతమే మహిళలు ఉన్నారు.
• ప్రపంచ వ్యాప్తంగా ఉన్న పార్లమెంటరీ నియోజకవర్గాల్లో పావుభాగం మాత్రమే మహిళల చేతుల్లో ఉన్నాయి.
• ఒకే హోదా, ఒకే పదవి.. ఒకే రకమైన విద్యార్హతలు ఉన్నా సరే, పురుషులతో పోలిస్తే ఆమె పారితోషికం ముప్పై తొమ్మిది శాతం తక్కువ.
• నలభై తొమ్మిది శాతం ప్రజల అభిప్రాయం ప్రకారం.. మహిళల కంటే పురుషులే మంచి రాజకీయ నాయకులు అవుతారు.
• నలభై ఆరుశాతం మంది బలంగా నమ్మే విషయం ఏమిటంటే.. ఉద్యోగాల విషయంలో పురుషులకే ప్రాధాన్యం ఉండాలి.
• ఇరవై ఎనిమిది శాతం మంది ప్రపంచ పౌరులు.. విశ్వవిద్యాలయాల్ని పురుషులకే పరిమితం చేయాలని కోరుతున్నారు.