నేటి నుంచి రెండోవిడత నామినేషన్లు

ఖమ్మం జిల్లాలో గ్రామ పంచాయతీ ఎన్నికల్లో భాగంగా రెండో విడతలో నామినేషన్లు స్వీకరించేందుకు అధికారులు అన్ని ఏర్పాట్లు పూర్తిచేశారు. రెండోవిడతలో 6 మండలాల్లోని 183 గ్రామాల్లో సర్పంచ్‌, ఉప సర్పంచ్‌, 1,686 వార్డు సభ్యులను ఎన్నుకునేందుకు నామినేషన్ల ప్రక్రియను చేపట్టనున్నారు. ఉదయం10 నుంచి సాయంత్రం 5గంటల వరకు మూడురోజుల పాటు నామినేషన్లను స్వీకరిస్తారు.

• 6 మండలాల్లోని 183 గ్రామాల్లో ఎన్నికలు

మామిళ్లగూడెం, నవంబర్‌ 29 : ఖమ్మం జిల్లాలో గ్రామ పంచాయతీ ఎన్నికల్లో భాగంగా రెండో విడతలో నామినేషన్లు స్వీకరించేందుకు అధికారులు అన్ని ఏర్పాట్లు పూర్తిచేశారు. రెండోవిడతలో 6 మండలాల్లోని 183 గ్రామాల్లో సర్పంచ్‌, ఉప సర్పంచ్‌, 1,686 వార్డు సభ్యులను ఎన్నుకునేందుకు నామినేషన్ల ప్రక్రియను చేపట్టనున్నారు. ఉదయం10 నుంచి సాయంత్రం 5గంటల వరకు మూడురోజుల పాటు నామినేషన్లను స్వీకరిస్తారు.

తరువాత రోజు నామినేషన్ల పరిశీలన, చెల్లుబాటైన నామినేషన్ల ప్రకటన ఉంటుంది. మరుసటి రోజు అభ్యంతరాలను స్వీకరించి పరిష్కరిస్తారు. నామినేషన్ల ఉపసంహరణకు డిసెంబర్‌ 3వ తేదీన ఉంటుంది. అదేరోజున పోటీ చేసే అభ్యర్థుల తుది జాబితాను ప్రకటిస్తారు.